• مرحبا بكن في اناقة مغربية في حلة جديدة وطاقم جديد . ومرحبا بنا عند اهل المغرب الكرام اهل الكرم والجود. يمكن للعضوات القديمات الدخول والمشاركة باسماءهن القديمة فقط يتوجب عليهن طلب كلمة مرور جديدة عبر خاصية استعادة كلمة المرور

واش كتربطي تعلمات اولادك في المدرسة بالبيت؟

la vie1

عضوة جديدة
اكيد اغلبكم عانت من عناد طفلها في انجاز الواجبات المدرسية او تاففهم المستمر من الدراسة او عدم حبهم للمدرسة(خصوووصا الذكور) ...او لتعبهم فبزاف د الاوقات خصوصا المدارس الخصوصية.
سؤالي لكم هو واش كتخلقو علاقة ما بين داكشي اللي كيتعلموه اولادكم فالمدرسة بداكشي اللي كيعيشوه فالبيت او غيرو...ام انك كتربطي نجاحو فقط بضرورة حصوله على نقطة عالية فالامتحان باش انتاقل لمستوى اعلى؟
الى كانت هادي طريقتك فاكيد عادي ان الطفل يتافف و يكره انو اقرا لاني سمعت باذني الكثيييير من التاففات من بينها انقل قول لطفل من العائلة في المستوى الثالث: "ما عرفت اش بغاونا نكونو" هذا كلامو قالو على والديه اللي كثرو عليه بواجبات و بالسوايع و ما ارجع حتال 10 د الليل من بعد قضاء اليوم كولو فالمدرسة!! و فالاخير ما بغاش اكمل الدراسة خرج من الثانوي لكرهه الشديد للدراسة لان الاب كثر عليه.

نعطيكم مثال بسيط باش تفهموني اكثر.كانت واحد السيدة اجنبية كنعرفوها ملصقة فكوزينتها شريط فالكوزينة يحمل صور علماء .و طبعا من الصغر بناتها حفظو دوك الشخصيات و عرفوهم اش دارو و قدرت تخلق فادمغة بناتها حب التعلم و المحاولة للوصول لهدف فالحياة.بديك الطريقة احدى بناتها تبارك الله دايرة علوم سياسية ففرانسا.لانها من البداية حددت ميول الطفلة و عملت على تحقيقو....ماشي غي قرا قرا قرا و الدري ما عارف الغرض و لا الهدف من داكشي و يحس بالكابة و كيقرا غي حيت خايف من الاستاذ و داير الخاطر لوالديه و بغي بزززز!!!

من الروض خلقو علاقة ما بين داكشي اللي اقراو اولادكم فالمدارس حببوه ليهم بينو لهم بلي عندو فائدة لاجل حياتو ماشي غي للنقط الممتازة.

ولدك فالروض بدا اقرا الارقام ...بداي خدمي معاه الارقام فاي حاجة خصوصا اللعب اللعب اللعب (ماشي الواجبات خليه اديرهم لراسو الى حصل راه الاستاذ اللي اوريه ماشي انت باش حتى الاستاذ اعرف نقط ضعف تلامذو-هاد الهضرة كنقولها لك كاستاذة -ماشي كنحرضكوم على الاساتذة هههه).حببي لو الحساب و انت غادي ابان لك واش ولدك عندو مع الرياضيات من الاول انت غادي تكتاشفي نقطة قوة ابنك و شجعيه و خدمي معاه عليها.

شوفي ولدك اشنو احب و ديري لو قدوة فنفس ميدان شغفو .لصقي صورتو فالثلاجة... فجانب مكان نومه ...باش اكون عندو هدف للتعلم.ماشي غي هاز المحفظة الثقيييلة على كتافو و كااااره لها من قلبو!!!
انت اللي غادي تحببي لولدك التعلم من البيت و في البيت.اللي قراها ما تعاودي تقريها لو بنفس الطريقة و انما ربطيه بما حوله و خليه احس باهميتو...هكذا غادي تضمني حتى انو اعقل على داكشي اللي كيقرا
 

♡ ايمي ♡

مشرفة منتدى اللغة العربية ادب و شعر,
يا سلام عليك يا حياة و على مواضيعك القمة في التميز..

و تعرفي شنو كيعجبني أكثر شي فمواضيعك؟؟؟ أسلوبك السلس العفوي و لغتك و تعابيرك!!!! كيعجبني بزاااااااف نقراك حيت كنحس كلماتك كلها خارجة من قلبك الجميل ♡

بارك الله فيك و جزاك عنا كل خير..


لا تتوقفي يوما عن إمتاعنا و إفادتنا أرجوك!


محبتي و عميق تقديري.
 

la vie1

عضوة جديدة
يا سلام عليك يا حياة و على مواضيعك القمة في التميز..

و تعرفي شنو كيعجبني أكثر شي فمواضيعك؟؟؟ أسلوبك السلس العفوي و لغتك و تعابيرك!!!! كيعجبني بزاااااااف نقراك حيت كنحس كلماتك كلها خارجة من قلبك الجميل ♡

بارك الله فيك و جزاك عنا كل خير..


لا تتوقفي يوما عن إمتاعنا و إفادتنا أرجوك!


محبتي و عميق تقديري.

بلاااتي هداااي عليا.واش انا في حلم ولا في علم؟!!!واش ايمي الجميلة هادي اللي كتشكر فاسلوبي العجيب هههه.
اولا اطل القمر ليك وحشة غبرتي ولكن عااااذراك طبعا.

و ثاني اسلوبي مااا هو اسلوب امام رقي كلامك و روعة كلماتك!!!فيال العجب !!! واقل من كثرة ما انت وااعرة فالكتابة تبارك الله كيجيك صعيب تكتبي مازال باسلوب بسيط بحال ديالي لدرجة ولا عاجبك ههههههههه هذا التفسير الوحيد.
غي حاجة وحدة اللي صحيحة فكلامك انو نابع من القلب اللي فقلبي على لساني كنطلقها كيفما جات هههه.
 

أم ياسر 2

عضوة جديدة
السلام عليكم ورحمة الله
مشكورة أختي حياة على مواضيعك الجميلة ولي كتكون من حياتنا المعاشة .أنا عندي ولدي الكبير تيقرا فالسادس ابتدائي الحمد لله يحب العلم ويبغي يقرا ويبغي يكون متفوق وديما تيحصل على نتائج رائعة وعندو طموح للمستقبل رغم صغر سنه أما واحد ولدي فالروض :11kisa:سطر ديال باء ميكملوش يكولي عييت هذا ماعرفت مانديرمعاه ؟؟؟كنستعمل معاه شتى الطرق دغيا يمل ومايركزش معايا ياريت نتي كأستاذة تفيديني بشي نصائح :17kisa:
 

أخت لطيفة

عضوة متميزة
كلام في الصميم اعيشه مع اصغر ابنائي ديما كيتافف وقانط من المذاكرة وقوة التمارين المفروضة وغير المفروضة ..يعني للي كنوجدلو انا او باباه او اختو هههه
في اوقات الاستراحة كيحفظ القران ديال المقرر ..حتى في عطلة الصيف دخل يقرا في المسجد سورة من المقرر وسالا الصيف وهو مزال مسالا الحفظ ..
كيبقى فيا من كثرة الدروس والمذاكرة ولكن بيني وبينكم مشاغب وحاسب الدنيا لعب في لعب الله يهديه وخلاص
 

la vie1

عضوة جديدة
السلام عليكم ورحمة الله
مشكورة أختي حياة على مواضيعك الجميلة ولي كتكون من حياتنا المعاشة .أنا عندي ولدي الكبير تيقرا فالسادس ابتدائي الحمد لله يحب العلم ويبغي يقرا ويبغي يكون متفوق وديما تيحصل على نتائج رائعة وعندو طموح للمستقبل رغم صغر سنه أما واحد ولدي فالروض :11kisa:سطر ديال باء ميكملوش يكولي عييت هذا ماعرفت مانديرمعاه ؟؟؟كنستعمل معاه شتى الطرق دغيا يمل ومايركزش معايا ياريت نتي كأستاذة تفيديني بشي نصائح :17kisa:

الله ابارك لك فوليداتك و اصلحهم و اهديهم لك يا رب.
كنت نشوف امهات كيبقاو واقفين على راس اولادهم باش اكتبو و الولد ارجف بالخلعة فبسيف ما اقد اكمل و اكره اصلا حتى ابدا هههه.الام اللي كتعامل هكا تخايل راسها جا عندها شي شخص قالها بني عمارة و ها كيفاش غادي ديري(زعما شرح لها.كما هي كتشرح لولدها متناسية ان داكشي اللي كيبان لها هي ساهل راه هو ما كيفهم منو والووو) و هي غادي تبدا و فيما خطات اهز عليها العصا و لا اعطيها بالطرش تقولي اشنو غادي اكون احساسها بانها كادير شي حاجة ما فهماها ما عجباها ما عارفة الغرض منها و الاصعب بالعصا!!!(هنا ما هضرت عليك حيت ما عرفتك واش كتعصيه اولا واش كتعصبي عليه اولا....حيت الاغلبية د الامهات كيبقاو واااقفين فوق راسو و اغوتو!!!!)

ولدك فالروض باااقي صغير.ما خصك تهضري على التركيز فهاد العمر.لان اصعب مشكل كيواجهو اي مربي انو التلميذ و فعمر كبير اركز معاه لمدة طويلة و اكون فعلا دماغو حاضر باش افهم.

علاش هضرت من قبل على اللعب ثم اللعب ثم اللعب.انت خدمي معاه دابا على انو اتحكم فيدو اكثر شيء.الكتبة غااادي اقادها من بعد يكفي انو اعرف الحرف و اكتبو كيفما كان...لان الكتبة شي حاجة حتى هي اللي كنركزو عليها بزاااف و لكن كتبقى بصمة خاصة بكل شخص كتبدل مع الوقت.المهم اكون واضح.كانو تلامذ فبدايتهم كتشوفي الخط عياااان و كيولي رائع من بعد و كاين العكس.فماكين لاش تعصبي راسك مع هاد القضية.

انا غادي نصحك فهاد العمر تخدمي مع ولدك على الحوار.علميه اللغة بالحوار.بداي بالعربية ثم الفرنسية اعرف مسميات الاشياء.ما اجي فين ادخل للمدرسة حتى اكون افهم اللغة.
نعطيك مثال ولدي عمرو 3 سنوات.ما ديتو للروض .
حاليا كنخدم معاه على اللغة العربية و بديت دابا الفرنسية.و النشاط العلمي بحكم الحيوانات عزاز على الاطفال كنلعب معاه بهم و نمرر لو الاساسيات(اسماءهم كولشي شدهم...نوع الاغذية عند كل واحد.....وسط العيش.... ....الخ).الالوان...


ايضا الحساب كنوع لو كل مرة فوضعية بزاااف د الالعاب غادي نطول الى جلست نحاجي....
القصص راااائعين باش تعلمي طفلك سواء فتغير سلوك او .... غي من راسك عاودي قصة تكون مشوقة خدمي الاصوات خليه اعيش القصة بحال الى بصح و مرري لو اشنو بغيتي.
قصة بسيطة كنعاودها لولدي على طفل سميتو عمر كيمشي للمدرسة و كل مرة مختالفة على مرة بحال سلسلة ههه.و عنصر التشويق ضروري فالقصة مثلا اشنو طرالو فالساحة اشنو دار مع صحابو اشنو ....اشنو دارت لهم الاستاذة...كندخل لو كاع الشخصيات اللي كيعجبوه فالرسوم...و السيارات اللي كيحماق عليهم......و فنفس الوقت كنعلمو اشنو تعلم عمر داك النهار و هو كيعاود معايا و هو عاااجبو الحال....قران.....الحساب ....الحروف...اناشيد ... ...
بهاد الطريقة حفظت لو سورة الفاتحة فعمر صغييييير.
لانو عنيد شوي الى قلت لو عاود من بعدي او سمع ما ابغي فلقيت هاديك احسن طريقة.حفظها بالفن بلا ما ابغي .

طولت عليك.و لكن راه حتى فالغرب العمر صغير اركزو على اللعب اكثر شيء و انت مع الوقت غادي تعيقي اشنو اثير انتباه ولدك...دخلي لو منو.اغلبيتنا كنحكرو اللعب و لكن واش عمر تساءلنا علاش الله تعالى خلق الاطفال كيعرفو غي العبو؟!لانهم به كيتعلمو...ماشي ما عندو حتى غرض و تسمع الام تقول ولدي غي اللعب اللعب ...الالة لعبي معاه داكشي اللي عزيز عليه و و صلي لو داكشي اللي بغيتي.

و غي بالقياس راه باااقي صغير.فكرتني فواحد جوج سيدات .كل وحدة كان ولدها ما ابغي اكتب كتبقا تابعاه والو و تجلسو بزز فوق الكرسي و تبدا ياله طلع بسطر نزل بسطر دور.. و بالغوااات و التخاصيم....كتبغيه اقاد الحرف مزيااان بحال شي واحد كبييير هههه.كنقول لها كون كنت استاذة كون رتك رميتيه من الشرجم هههه. في حين داكشي ماشي دورها هي اصلا لاش تعصب!!!.خاص تخلي لو فرصة فين اطور لراسو ما امكن من البداية اكون هو هداك و الطامة الكبرى كانت انو كيوصل المستوى الثاني اتبدل خطو!!!! و كاااع دوك اساسيات الخط اللي علماتو كيضربهم لها فالزيرو ههههه
 

ilham 3

عضوة جديدة
اكيد اغلبكم عانت من عناد طفلها في انجاز الواجبات المدرسية او تاففهم المستمر من الدراسة او عدم حبهم للمدرسة(خصوووصا الذكور) ...او لتعبهم فبزاف د الاوقات خصوصا المدارس الخصوصية.
سؤالي لكم هو واش كتخلقو علاقة ما بين داكشي اللي كيتعلموه اولادكم فالمدرسة بداكشي اللي كيعيشوه فالبيت او غيرو...ام انك كتربطي نجاحو فقط بضرورة حصوله على نقطة عالية فالامتحان باش انتاقل لمستوى اعلى؟
الى كانت هادي طريقتك فاكيد عادي ان الطفل يتافف و يكره انو اقرا لاني سمعت باذني الكثيييير من التاففات من بينها انقل قول لطفل من العائلة في المستوى الثالث: "ما عرفت اش بغاونا نكونو" هذا كلامو قالو على والديه اللي كثرو عليه بواجبات و بالسوايع و ما ارجع حتال 10 د الليل من بعد قضاء اليوم كولو فالمدرسة!! و فالاخير ما بغاش اكمل الدراسة خرج من الثانوي لكرهه الشديد للدراسة لان الاب كثر عليه.

نعطيكم مثال بسيط باش تفهموني اكثر.كانت واحد السيدة اجنبية كنعرفوها ملصقة فكوزينتها شريط فالكوزينة يحمل صور علماء .و طبعا من الصغر بناتها حفظو دوك الشخصيات و عرفوهم اش دارو و قدرت تخلق فادمغة بناتها حب التعلم و المحاولة للوصول لهدف فالحياة.بديك الطريقة احدى بناتها تبارك الله دايرة علوم سياسية ففرانسا.لانها من البداية حددت ميول الطفلة و عملت على تحقيقو....ماشي غي قرا قرا قرا و الدري ما عارف الغرض و لا الهدف من داكشي و يحس بالكابة و كيقرا غي حيت خايف من الاستاذ و داير الخاطر لوالديه و بغي بزززز!!!

من الروض خلقو علاقة ما بين داكشي اللي اقراو اولادكم فالمدارس حببوه ليهم بينو لهم بلي عندو فائدة لاجل حياتو ماشي غي للنقط الممتازة.

ولدك فالروض بدا اقرا الارقام ...بداي خدمي معاه الارقام فاي حاجة خصوصا اللعب اللعب اللعب (ماشي الواجبات خليه اديرهم لراسو الى حصل راه الاستاذ اللي اوريه ماشي انت باش حتى الاستاذ اعرف نقط ضعف تلامذو-هاد الهضرة كنقولها لك كاستاذة -ماشي كنحرضكوم على الاساتذة هههه).حببي لو الحساب و انت غادي ابان لك واش ولدك عندو مع الرياضيات من الاول انت غادي تكتاشفي نقطة قوة ابنك و شجعيه و خدمي معاه عليها.

شوفي ولدك اشنو احب و ديري لو قدوة فنفس ميدان شغفو .لصقي صورتو فالثلاجة... فجانب مكان نومه ...باش اكون عندو هدف للتعلم.ماشي غي هاز المحفظة الثقيييلة على كتافو و كااااره لها من قلبو!!!
انت اللي غادي تحببي لولدك التعلم من البيت و في البيت.اللي قراها ما تعاودي تقريها لو بنفس الطريقة و انما ربطيه بما حوله و خليه احس باهميتو...هكذا غادي تضمني حتى انو اعقل على داكشي اللي كيقرا
شكراً لك أختي على هاد الموضوع

لقيتني نيت واحلة مع ولدي ونتمنى تقراي هاد المشاركة وتعاونيني قلبي عالم به غي الله

ولدي دخل هاد العام للمستوى الأول كيقرا في القطاع الخاص لاحضت فرق كبير في المستوى بينو وبين الوليدات لي في سنو هما تبارك الله كيعرفو الحروف العربية والفرنسية وكاين لي بدا يتهجى بحكم را العام لي فات قراو هادشي ف لا grande section هو والو يالله عارف 2 حروف في العربية الألف والباء وشي 4 في الفرنسية الأرقام نفس الشيء، دبى مع الدخلة ولا كيكول لي أنا كسول الدراري كيضحكو عليا، أنا في الصراحة في الأعوام لي فاتت عمري ما خدمت معاه يسحاب لي غا يكون فحال ختو تبارك الله متفوقة بدون حتى شي مجهود من طرفي، مهم دابة بديت كنحاول نحفضو شي حرف كندير ونعاود 20 مرة ونوريه كيفاش كيتكتب غي كدوز 5 دقايق كاينسى عليه كملاحضة ولدي كتير الحركة من صغرو في الدار أبداً وش تلقايه جالس ديمة كينقز كيتعلق وحتى لا مشينا عند الناس نفس الشيء ولكن في المدرسة كيكون هادء قريت شوية ف انترنت لقيت بلي يمكن عندو هديك الحالة ديال فرط الحركة ونقص التركيز (trouble déficitaire d'attention avec hyperactivité)

دابة ما عرفتش وش نصبر عليه شوية ولا نديه للطبيب تالفة بزاااف

نصحيني الله يجازيك بخير
 

أم مروان1

عضوة جديدة
السلام عليكم يا الزين، حتى انا عندي وأحد الولد ميبغيش يقرا من صغرو، من الروض مبغاش يمشيلو ومسيفتش عليه حتى وصل الأول يقرا بزز كان نخليوه يلعب ودبا راه في السادس وشوية وصافي معندوش مع لقراية يبغي غير يخدش في السلوكة، يعني يقطع سلك ويلصقو مع سلك، بالمعنى الا كانت عندو شلعبة فيها سلوكة يقطعهم ويبغي يصلح وميعرفش ويخليه هاكداك، وهكذا يقطع لعبة اخرى وميثصاوبلوش ويخليها، وكنبقا نقولو الا تعجبك هاد المهنة قرا ودير التكوين باش تفهم اشنو خاصك ادري باش تصاوب الحاجة وهو والو مابغى يقرا، اشنو المعمول معاه راه مهبلنا، لانه عندو المخ نتاع القراي ومبغاش يقرا
 

نعيمة ام ياسين

عضوة جديدة
شكرا الاستاذة la vie على معلوماتك المفيدة والتي تنم على حبك لمهنتك متمنية من الله ان يسخر تجاربك لتستفيد الانيقات منك لك مني التحية كام وجدة ومعلمة متقاعدة اعجبتيني من خلال الموضوع التي طرحتيه.وفقك الله وتقبلي اغلى تحياتي
 

♡ ايمي ♡

مشرفة منتدى اللغة العربية ادب و شعر,
بلاااتي هداااي عليا.واش انا في حلم ولا في علم؟!!!واش ايمي الجميلة هادي اللي كتشكر فاسلوبي العجيب هههه.
اولا اطل القمر ليك وحشة غبرتي ولكن عااااذراك طبعا.

و ثاني اسلوبي مااا هو اسلوب امام رقي كلامك و روعة كلماتك!!!فيال العجب !!! واقل من كثرة ما انت وااعرة فالكتابة تبارك الله كيجيك صعيب تكتبي مازال باسلوب بسيط بحال ديالي لدرجة ولا عاجبك ههههههههه هذا التفسير الوحيد.
غي حاجة وحدة اللي صحيحة فكلامك انو نابع من القلب اللي فقلبي على لساني كنطلقها كيفما جات هههه.

ههههه أتتواضعين تواضع العظماء؟

لا بجد.. كيعجبني بزاف أسلوبك و كيعجبوني أفكارك و روحك الطيبة و عفويتك و قناعاتك و و و .. كلك على بعضك حلو ♡

حتى انا موحشاكم بزاااااف و ان شاء الله غي نسالي شي اشغال و هانا معاكم.. كنطل عليكم يوميا غي المشاركة لي ما كنلحقش و صافي.. قريبا بإذن الله لنا لقاء.

محبتي العمييييقة جدا!!
 

أم ياسر 2

عضوة جديدة
مشكووورة بزاااف ختي حياة لي عطيتينا من وقتك وفدتيني بأفكارك عجباتني الفكرة ديال القصة مع عمر دابا نخدمها مع ولدي حيت يموت فالقصص ونوصلو داكشي لي بغيت غير بالفن الله يكبر بيك اختي ويحفظلك وليدك
 

la vie1

عضوة جديدة
شكراً لك أختي على هاد الموضوع

لقيتني نيت واحلة مع ولدي ونتمنى تقراي هاد المشاركة وتعاونيني قلبي عالم به غي الله

ولدي دخل هاد العام للمستوى الأول كيقرا في القطاع الخاص لاحضت فرق كبير في المستوى بينو وبين الوليدات لي في سنو هما تبارك الله كيعرفو الحروف العربية والفرنسية وكاين لي بدا يتهجى بحكم را العام لي فات قراو هادشي ف لا grande section هو والو يالله عارف 2 حروف في العربية الألف والباء وشي 4 في الفرنسية الأرقام نفس الشيء، دبى مع الدخلة ولا كيكول لي أنا كسول الدراري كيضحكو عليا، أنا في الصراحة في الأعوام لي فاتت عمري ما خدمت معاه يسحاب لي غا يكون فحال ختو تبارك الله متفوقة بدون حتى شي مجهود من طرفي، مهم دابة بديت كنحاول نحفضو شي حرف كندير ونعاود 20 مرة ونوريه كيفاش كيتكتب غي كدوز 5 دقايق كاينسى عليه كملاحضة ولدي كتير الحركة من صغرو في الدار أبداً وش تلقايه جالس ديمة كينقز كيتعلق وحتى لا مشينا عند الناس نفس الشيء ولكن في المدرسة كيكون هادء قريت شوية ف انترنت لقيت بلي يمكن عندو هديك الحالة ديال فرط الحركة ونقص التركيز (trouble déficitaire d'attention avec hyperactivité)

دابة ما عرفتش وش نصبر عليه شوية ولا نديه للطبيب تالفة بزاااف

نصحيني الله يجازيك بخير

اختي اللي كنعرف انا انو فالقطاع الخاص كيكونو فالمستوى جوج اقسام.كيعزلو دوك التلاميذ اللي قراو الروض عندهم على اساس مجهدين و عارفين و قسم فيه التلاميذ الجدد اللي قراو غي فشي روض عيان او عمرهم قراو كاع .هادشي اللي نعرف انا بحكم اولاد خوتي كانو اعاودو لي على تلامذ بحال ولدك معاهم فعلا كانو اقولو راه هداك قسم الجداد.

فالحقيقة درتي غلط كبير.حاليا صعيب تلقا مزال شي حد ماداز حتى من الروض الا فالدواور و حتى هما بداو اقريو مؤخرا الروض.
و عادي انو ما غادي اعقل لك على كاع الحروف في فترة وجيزة.لانو صعيب ماشي حيت هو حركي او....و لكن امر عااادي جدا.ما توقعي اشدهم لك بزربة مادام انت نزروبة عليه.دابا اللي وقع وقع و غي بالخاطر.واخا هو اكون عندو نفور من الدراسة كيف قلت اعيبو عليه ممكن تمشي تقوليها للاستاذ تاعو باش اهضر مع التلاميذ غي بالفن.كانو حالات ضعاف عندي كيبقاو اضحكو عليهم الاخرين والله العظيم الى كندم دوك اللي ضحكو و كتبان لك ترسمات واحد الابتسامة زوييينة على وجه التلميذ اللي حكرو.كنت احب داك الاحساس اني ناهد لو حقو منهم هههه.بغيت نبين لك انو الى الاستاذ بغا راه غادي اصلخ الامر لاجل ولدك و بالتالي اتابع دراستو عادي واها ضعيف.من هنا للدورة الثانية اقدر اتدارك مازال.

قضية حركي بزاف انا على ما بان لي قلااال الوليدات-الذكور خصوصا- حاليا اللي ماشي حركيين و بافراط فكل مكانفدارهم و فالقسم و عند الناس و الى خارجين ...عندي واحد ولد اختي والله ما اجلس واخا كتعيا مو تعصيه و قالت لها الاستاذة راه عندو افراط فالحركة و لكن كيقرا رغم ذلك.و جاتني المسالة عادية ما كاين لاش تصدعي راسك بالطبيب!!! و ولدي براسو ياك غي 3 سنوات و لكن باااينة طالع حركي حتى هو ههههه.

دابا حاولي تخدمي معاه الحروف ماشي غي اشوفهم و اعاود موراك.لا...غادي تشوفي برامج للتلوين كاينين بزاف تليشارجيهم و ديري معاه كل مرة حرف...لي عودة ان شاء الله
 

المستغفرة من ربها

مشرفة منتدى تطوير الذات,
السلام عليكم
ماشاء الله حياة موضوع قيم يدل على خبرة كبيرة
ان شاء الله نشارك معاك وقت ما سمحات لي الفرصة
اهم نصيحة للامهات متعصبيش وحطي اعصابك فثلاجة ريتما تعرفي ولدك شناهي الدخلة ديالو بالدارجة هكدا يمكن لك تقريه وتصاحبي معاه
لي عودةان شاء الله
 

ilham 3

عضوة جديدة
اختي اللي كنعرف انا انو فالقطاع الخاص كيكونو فالمستوى جوج اقسام.كيعزلو دوك التلاميذ اللي قراو الروض عندهم على اساس مجهدين و عارفين و قسم فيه التلاميذ الجدد اللي قراو غي فشي روض عيان او عمرهم قراو كاع .هادشي اللي نعرف انا بحكم اولاد خوتي كانو اعاودو لي على تلامذ بحال ولدك معاهم فعلا كانو اقولو راه هداك قسم الجداد.

فالحقيقة درتي غلط كبير.حاليا صعيب تلقا مزال شي حد ماداز حتى من الروض الا فالدواور و حتى هما بداو اقريو مؤخرا الروض.
و عادي انو ما غادي اعقل لك على كاع الحروف في فترة وجيزة.لانو صعيب ماشي حيت هو حركي او....و لكن امر عااادي جدا.ما توقعي اشدهم لك بزربة مادام انت نزروبة عليه.دابا اللي وقع وقع و غي بالخاطر.واخا هو اكون عندو نفور من الدراسة كيف قلت اعيبو عليه ممكن تمشي تقوليها للاستاذ تاعو باش اهضر مع التلاميذ غي بالفن.كانو حالات ضعاف عندي كيبقاو اضحكو عليهم الاخرين والله العظيم الى كندم دوك اللي ضحكو و كتبان لك ترسمات واحد الابتسامة زوييينة على وجه التلميذ اللي حكرو.كنت احب داك الاحساس اني ناهد لو حقو منهم هههه.بغيت نبين لك انو الى الاستاذ بغا راه غادي اصلخ الامر لاجل ولدك و بالتالي اتابع دراستو عادي واها ضعيف.من هنا للدورة الثانية اقدر اتدارك مازال.

قضية حركي بزاف انا على ما بان لي قلااال الوليدات-الذكور خصوصا- حاليا اللي ماشي حركيين و بافراط فكل مكانفدارهم و فالقسم و عند الناس و الى خارجين ...عندي واحد ولد اختي والله ما اجلس واخا كتعيا مو تعصيه و قالت لها الاستاذة راه عندو افراط فالحركة و لكن كيقرا رغم ذلك.و جاتني المسالة عادية ما كاين لاش تصدعي راسك بالطبيب!!! و ولدي براسو ياك غي 3 سنوات و لكن باااينة طالع حركي حتى هو ههههه.

دابا حاولي تخدمي معاه الحروف ماشي غي اشوفهم و اعاود موراك.لا...غادي تشوفي برامج للتلوين كاينين بزاف تليشارجيهم و ديري معاه كل مرة حرف...لي عودة ان شاء الله



شكراً أختي بزااااف حيت جاوبتيني وأنا في أمس الحاجة للنصيحة

ختي يمكن ما شرحتش ليك مزيان أنا ولدي من صغرو وهو في الروض حيت أنا خدامة، ملي كانت عندو عام تل 4 سنين كان في واحد الروض عادي، العام لي فات دخلتو لهاد المدرسة لي فيها دابة، قرا فيها LA GRANDE SECTION، وكنت كنلاحض أنو كينسى متلاً سورة الفاتحة ديما كينسى اهدنا الصراط المستقيم وكنصلحها ليه، وديك الساعة كنكول ليه عاودها كيوصل ليها ينساها، أنا كنت كنقول مازال صغير، وحيت هو الصغير في القسم هو زايد ف 2013, في الأخير ديال العام كنسول أمهات الوليدات لي معاه في القسم كتشفت أنهم ولاو كيتهجاو حافضين سور القرآن الصغار، كيعرفو الأرقام ولدي دابة لا كتبت ليه 5 وقلت ليه قراها يقول لي شي رقم يعني هاد السنين لي دوز في الروض يالله كيعرف 4 الحروف ديال الفرنسية وشي 5 ديال العربية

دابة ملي دخلنا للصح وقلت خاصني نخدم معاه بان لي أنه تقييل بزاااف في الحفض لدرجة غير طبيعية، و ملي كانكون كنهضر وخا كيشوف إما ما مركزش مزيان، إما عندو الداكرة ضعيفة بزااف هادشي غي في القراية، أما في الحياة العادية كيعقل على كلشي وطبيعي جداً ومستوى الدكاء ديالو عادي

قلبت ف انترنيت لقيت واحد الإضطراب سميتو ديسلكسيا أو عسر التعلم فيه مجموعة من الأعراض كتنطبق على ولدي

راني حايرة أختي نتمنى تفيدني وسمحي لي بزاف على الإطالة

والله يجازيك بالف خير
 

la vie1

عضوة جديدة
كلام في الصميم اعيشه مع اصغر ابنائي ديما كيتافف وقانط من المذاكرة وقوة التمارين المفروضة وغير المفروضة ..يعني للي كنوجدلو انا او باباه او اختو هههه
في اوقات الاستراحة كيحفظ القران ديال المقرر ..حتى في عطلة الصيف دخل يقرا في المسجد سورة من المقرر وسالا الصيف وهو مزال مسالا الحفظ ..
كيبقى فيا من كثرة الدروس والمذاكرة ولكن بيني وبينكم مشاغب وحاسب الدنيا لعب في لعب الله يهديه وخلاص

ماشي غي بوحدك اتخي لطيفة.هاد الزمان كاع الامهات اتشكاو من اولادهم بلي ما ابغيو انجزو واجباتهم ...ما ابغيو اراجعو...ما ابغيو....
ما عرفت اشنو اللي تبدل مناش المشكل واش الاباء و لا الابناء ولا المدرسة!!! و لا كووولهم ههههه
كان الله في عون الامهات لتربية اولادهم ...و كان الله في عون الابناء لان الوالدين اخيانا حتى هما كيكثرو ....ما عرفت اش بغاوهم كاع اكونو!!!!.
نعاود نقول غي الخاطر.راه اللي ماجات بالخاطر مااا تجي بزز.
بالنسبة للحفظ سبحان الله كاين اللي عندو موهبة و كاين اللي ما عندوووش مع الحفظ سواء قليل او كثير....كاين اللي عندو مع الحساب....او....كنعاود نقولها حنا ديما كنركزو على داكشي اللي ناقص فيه التلميذ و كنتغاظاو على داكشي اللي عطاه لو ربي موهبة نزيد نميوه باش اعكي فيه ابدع فيه للاسف مااا كنشجعوه ...ما عرفت علاش؟!!!
هنا فينا دازونا الغرب من هاد النقطة هما من الصغر كيقلبو على موهبة الطفل و اوجهوه و اوفرو لو كل الظروف باش اعط ما عندو و طبيعي انو يعطي فحاجة كتعحبو و عندو فيها مهارات عاطيها لو ربي من عندو....حنا للاسف العكس !!!.
الله اهدي لك وليدك و احفظو لك.مزيان حفظ القران من الصغر عندو اثار كثيييرة فتكوين شخصية الانسان.
 

la vie1

عضوة جديدة
شكرا الاستاذة la vie على معلوماتك المفيدة والتي تنم على حبك لمهنتك متمنية من الله ان يسخر تجاربك لتستفيد الانيقات منك لك مني التحية كام وجدة ومعلمة متقاعدة اعجبتيني من خلال الموضوع التي طرحتيه.وفقك الله وتقبلي اغلى تحياتي

انا التي تعتز و تفتخر بمشاركتك...و الفرحة مااا قداني اني نقرا بحال هاد الكلام.شكرا ثم شكرا ثم شكرا.
صراحة انا اللي خاص نقدم لك تحية تقدير و امتنان.فانت امكن من نفس جيل الاساتذة اللي قراوني.انتم اللي كانت في عهدكم للقراية معنى ليها شان من الجميع اباء و ابناء و مجتمع....ما عرفت اشنو طرا اشنو وقع حتى صار التعليم فبلادنا الى الحظيظ....!!!؟؟؟؟
الحمد لله قرينا على يديكم ...لا قوة كتب و لا ادوات و لا وسائل و الظروف المعيشة خبز و زيت و اتاي...ومع ذلك قرينا مزيان و حبينا التعلم و الدراسة...حسينا بقيمتها.
الف شكر معلمتي♡♡♡♡
 

la vie1

عضوة جديدة
السلام عليكم يا الزين، حتى انا عندي وأحد الولد ميبغيش يقرا من صغرو، من الروض مبغاش يمشيلو ومسيفتش عليه حتى وصل الأول يقرا بزز كان نخليوه يلعب ودبا راه في السادس وشوية وصافي معندوش مع لقراية يبغي غير يخدش في السلوكة، يعني يقطع سلك ويلصقو مع سلك، بالمعنى الا كانت عندو شلعبة فيها سلوكة يقطعهم ويبغي يصلح وميعرفش ويخليه هاكداك، وهكذا يقطع لعبة اخرى وميثصاوبلوش ويخليها، وكنبقا نقولو الا تعجبك هاد المهنة قرا ودير التكوين باش تفهم اشنو خاصك ادري باش تصاوب الحاجة وهو والو مابغى يقرا، اشنو المعمول معاه راه مهبلنا، لانه عندو المخ نتاع القراي ومبغاش يقرا

واش قلت لك تشبهي لصاحبتي عزيزة؟ هي كتقولي يا الزين..ياكما انت هي!!!!هاظشي بزاف على الصدف.!!!
الله اهدي لك اولادك و اصلحهم يا رب.فعلا الاطفال اللي كتكون عااارف انهم اذكياؤد هادوك هما اللي كيبقا فيك الحال ملي اعاندو.الله اهدي ما خلق.
الذكور بزاف فيهم عزيز عليهم كيف ادير ولدك(منهم اخي ملي كان فصغرو و دابا ولدو و ولد اختي...هاني ذكرتهم لك كاملين باش ما احسابك غي ولدك.ولد اختي راه كان احل داكشي باقي جديد pc...تلكوموند....المهم ماشي حتى العاب....)كتبقى بحال هواية في فترة كيحسو براسهم راهم اديرو شي حاجة.... راه ممكن اختارعو هههه.و الى كان فعلا كيصايب شي حاجة يعني عندو موهبة و ميول خاصو اتوجه لو كيف قلت لو .
 

la vie1

عضوة جديدة
السلام عليكم
ماشاء الله حياة موضوع قيم يدل على خبرة كبيرة
ان شاء الله نشارك معاك وقت ما سمحات لي الفرصة
اهم نصيحة للامهات متعصبيش وحطي اعصابك فثلاجة ريتما تعرفي ولدك شناهي الدخلة ديالو بالدارجة هكدا يمكن لك تقريه وتصاحبي معاه
لي عودةان شاء الله

و عليك السلام.انا في انتظارك.يا ريت كل الاخوات اللي عندهم فكرة او امثلة عاشوها ادخلو افيدونا بيها.
فعلا كلامك جد مهم لان تقريبا اغلب الامهات كيتعصبو بزاااااف اثناء انجاز الواجبات المدرسية كتولي عقوووبة ليها و لولدها ماشي فترة فهم او توضيح او....
شكرا لك.
وفي انتظاااارك عوووودي ههههه.
 

la vie1

عضوة جديدة
شكراً أختي بزااااف حيت جاوبتيني وأنا في أمس الحاجة للنصيحة

ختي يمكن ما شرحتش ليك مزيان أنا ولدي من صغرو وهو في الروض حيت أنا خدامة، ملي كانت عندو عام تل 4 سنين كان في واحد الروض عادي، العام لي فات دخلتو لهاد المدرسة لي فيها دابة، قرا فيها LA GRANDE SECTION، وكنت كنلاحض أنو كينسى متلاً سورة الفاتحة ديما كينسى اهدنا الصراط المستقيم وكنصلحها ليه، وديك الساعة كنكول ليه عاودها كيوصل ليها ينساها، أنا كنت كنقول مازال صغير، وحيت هو الصغير في القسم هو زايد ف 2013, في الأخير ديال العام كنسول أمهات الوليدات لي معاه في القسم كتشفت أنهم ولاو كيتهجاو حافضين سور القرآن الصغار، كيعرفو الأرقام ولدي دابة لا كتبت ليه 5 وقلت ليه قراها يقول لي شي رقم يعني هاد السنين لي دوز في الروض يالله كيعرف 4 الحروف ديال الفرنسية وشي 5 ديال العربية

دابة ملي دخلنا للصح وقلت خاصني نخدم معاه بان لي أنه تقييل بزاااف في الحفض لدرجة غير طبيعية، و ملي كانكون كنهضر وخا كيشوف إما ما مركزش مزيان، إما عندو الداكرة ضعيفة بزااف هادشي غي في القراية، أما في الحياة العادية كيعقل على كلشي وطبيعي جداً ومستوى الدكاء ديالو عادي

قلبت ف انترنيت لقيت واحد الإضطراب سميتو ديسلكسيا أو عسر التعلم فيه مجموعة من الأعراض كتنطبق على ولدي

راني حايرة أختي نتمنى تفيدني وسمحي لي بزاف على الإطالة

والله يجازيك بالف خير

السلام عليك .العفو اختي الى عندي باش نصحك على الراس و العين.
دابا عاد فهمتك.مشكل عسر القراءة او لاديسليكسي مشكل شوي صعيب.خاصو مجهود كبير منك و الافضل مدرس خاص.لان فالمدرسة ما غادي اقدر اواكب التعلمات كيف اصحابو.
علاش قلت مدرس خاص لان كانت عندي فتاة واحد السنة كان عندها هاد المشكل.ما كتقدر تربط نطق الحرف بشكلو.واخا هي كانت سريعة فالحفظ سبحان الله كانت تحفظ القران احسن من الاخرين.و حتى الحروف و الكلمات في الكتاب غي كتحفظهم و حوار التعبير كانت كطير فيه و لكن تهجا لا حرت معاها صافي.و هذا طووول السنة.
كنت نجلسها حدايا و كنت دايرة لها دفتر خاص من غير دفاتر الاخرين.كنلصق لها فيه انا صور و حروف و..... و فترة فاش اكتبو الاخرين كنت نجيبها حدايا نوريها بجميع الطرق جربتهم معاها والو.عاودت العام و بقا عندها المشكل حتى فالسنة الاخرى عند الاستاذ الاخر عاودت عاود.

ما بغيت نخليك متشاءمة و لكن هي ماكان اللي اعاونها فالدار.ربما داكشي باش.والقسم كانو جوج مستويات.واخا درت جهدي معاها ولكن ما شدت كل الحروف.كان ضروري الخدمة فالدار.
الله اعاونك اختي.غي شوفي حاولي معاه و بالخاطر غادي اتحسن ان شاء الله و اولي كيف اقرانو غي شوي صبر حتى اولي اعرف اقرا من بعد غادي اكون عادي.بحثي على طرق فالنت داكشي باش قلت لك خاصو استاذ خاص اعطيه وقتو.
 

ilham 3

عضوة جديدة
السلام عليك .العفو اختي الى عندي باش نصحك على الراس و العين.
دابا عاد فهمتك.مشكل عسر القراءة او لاديسليكسي مشكل شوي صعيب.خاصو مجهود كبير منك و الافضل مدرس خاص.لان فالمدرسة ما غادي اقدر اواكب التعلمات كيف اصحابو.
علاش قلت مدرس خاص لان كانت عندي فتاة واحد السنة كان عندها هاد المشكل.ما كتقدر تربط نطق الحرف بشكلو.واخا هي كانت سريعة فالحفظ سبحان الله كانت تحفظ القران احسن من الاخرين.و حتى الحروف و الكلمات في الكتاب غي كتحفظهم و حوار التعبير كانت كطير فيه و لكن تهجا لا حرت معاها صافي.و هذا طووول السنة.
كنت نجلسها حدايا و كنت دايرة لها دفتر خاص من غير دفاتر الاخرين.كنلصق لها فيه انا صور و حروف و..... و فترة فاش اكتبو الاخرين كنت نجيبها حدايا نوريها بجميع الطرق جربتهم معاها والو.عاودت العام و بقا عندها المشكل حتى فالسنة الاخرى عند الاستاذ الاخر عاودت عاود.

ما بغيت نخليك متشاءمة و لكن هي ماكان اللي اعاونها فالدار.ربما داكشي باش.والقسم كانو جوج مستويات.واخا درت جهدي معاها ولكن ما شدت كل الحروف.كان ضروري الخدمة فالدار.
الله اعاونك اختي.غي شوفي حاولي معاه و بالخاطر غادي اتحسن ان شاء الله و اولي كيف اقرانو غي شوي صبر حتى اولي اعرف اقرا من بعد غادي اكون عادي.بحثي على طرق فالنت داكشي باش قلت لك خاصو استاذ خاص اعطيه وقتو.

ألف شكر لك أختي الله يجازيك بخير على الرد والإهتمام ديالك

المهم أنا غا ندير معاه جهدي أنا كنتسنى من المعلمين ديالو يديرو لي الملاحضة على هاد المشكل، حيت الأسبوع لي فات كلو دارو حرف الدال ملي سولتو البارح شنو هدا بقى كيشوف فيا .

لا تعطلو وما هضروش معايا أنا لي غا نتاصل بالمعلمين ديالو نشرح لهم المشكل باش يردو معاه البال يجلسوه القدام والطبيب غا نخليه أخر حاجة
 
أعلى