• مرحبا بكن في اناقة مغربية في حلة جديدة وطاقم جديد . ومرحبا بنا عند اهل المغرب الكرام اهل الكرم والجود. يمكن للعضوات القديمات الدخول والمشاركة باسماءهن القديمة فقط يتوجب عليهن طلب كلمة مرور جديدة عبر خاصية استعادة كلمة المرور

هيا معا لنبدأ حصاله عيد الاضحى

ذاكرة

عضوة مواضبة
اليوم نزلت 1 اورو ولكن الاسبوع الماجي عندي السوق يعني الخضرة والسمك من الحصيصة غادي نخرج 5 اورو ورقة ان شاء الله اللهم يسر
 

dame khaldoune

عضوة جديدة
انا كان عندي فرصة باش نشري غسالة الصحون ولكن قلت ما كاين لاش مرة اخرى خذيت في بلاصتها كونجيلاتور هناني بزاااف صراحة لي عندها شي فكرة على اشنو في نفسها دير مخطط والاخت سدية خلدون الله يعطيها الصحة ويبارك لها اعطاتنا راس الخيط راه مسالة التدبير كتجي من الصفر فقط تكون العزيمة وحتى حاجة ما كتجي هكاك المهم غسالة نديرها في البلان ما عنديش مشكل مع غسيل المواعن قالك كيزول الاكتئاب هههههههه

الله يبارك فيك حبيبتي شكرا على دعمك لي بالنسبة لي أنا كمخطط للمطبخ حيث عندي مخططات الله يرزقنا الصحة والعافية والعمر ههه
افكر ف كونجلاتور أو نبدل الثلاجة صراحة مزال محتارة بينهم وان شاء الله بعد هذا ساشتري غسالة الصحون تساعدني خصوصا ايام البرد القارس
لي عندها شي اقتراح أما حسن نبدل الثلاجة أو ناخد كونجلاتور تفيديني عزيزاتي
ثلاجة واخة ماقديماش بزاف ولكن بحكم الرطوبة تكرفصت لي شوية
 

ذاكرة

عضوة مواضبة
الى ثلاجتك باقي فيها ما يدار خليها وخذي كونجيلاتور حيث كتخليه كخزين للاكل واللحم وخاصة لحم العيد كبير واي حاجة درتيها بالزايد حيث ماشي بحال الثلاجة لي كتحل كل نهار الكونجيلاتور كاين النهارات لي ما تحليهش والى خذيتيه خذي لي ما كيديرش الثلج المهم حتى لذيك الساعة ونعطيوك نصائح باش تفاداي مشاكل الكونجيلاتورات
الثلاجة الى باقة صالحة عدي بها حتى توفري لوحدة جديدة وهانتي مهنية مع راسك
 
اهلا وسهلا نورتينا ومرحبا والف مرحبا بك
ان شاءالله تعالى هاد المرة تحققي داكشي لي بغيتي من القلوشة
دخلي معانا التحدي

نور الله طريقك سيدتي
ان شاء الله معكن ابتداءا من بداية الشهر بحكم متنشدش المصروف و و متنتسخرش (الطريقة لي غادين بها مدة هدي ومخرجانة الحمد لله انه من بداية الشهر تنقسم الخلصة و تنحيد منها المصاريف التابثة و المصاريف المتغيرة وهنا انا تنلعب ههه وتندير ورقة وستيلو تنتقداو تقدية الشهر و لي بقا تندير ورقة لراجلي تيجبها والحمد لله.) :manga24: طولت شوية ههههه. ولكن داك الصريف لي تيشيط من السخرة نصيفت لها نيشان هههه و غنخرج لها واحد القيمة شهرية تحط فيها ان شاء الله
 

أخت لطيفة

عضوة متميزة
انا كان عندي فرصة باش نشري غسالة الصحون ولكن قلت ما كاين لاش مرة اخرى خذيت في بلاصتها كونجيلاتور هناني بزاااف صراحة لي عندها شي فكرة على اشنو في نفسها دير مخطط والاخت سدية خلدون الله يعطيها الصحة ويبارك لها اعطاتنا راس الخيط راه مسالة التدبير كتجي من الصفر فقط تكون العزيمة وحتى حاجة ما كتجي هكاك المهم غسالة نديرها في البلان ما عنديش مشكل مع غسيل المواعن قالك كيزول الاكتئاب هههههههه

والله اختي الماعن غي كنشوفهم يجيني اكتئاب مشي العكس هههولكن مللي نكون نغسلهم ونستفهم بديك الطريقة الكاس حدا الكاس والطبسيل حدا الطبسيل وفوقهم حاجات متخطرش على البال ويشدو راسهم نحس بالمتعة ههه:manga3:
 
التعديل الأخير:

أخت لطيفة

عضوة متميزة
اليوم نزلت 1 اورو ولكن الاسبوع الماجي عندي السوق يعني الخضرة والسمك من الحصيصة غادي نخرج 5 اورو ورقة ان شاء الله اللهم يسر

تبارك الله عليك انا الاسبوع الزوين لي نقدر نوفر فيه هو 20 درهم خخخ وغي فلوس الطاكسي حيث المصروف مشي بيدي
 

أخت لطيفة

عضوة متميزة
الله يبارك فيك حبيبتي شكرا على دعمك لي بالنسبة لي أنا كمخطط للمطبخ حيث عندي مخططات الله يرزقنا الصحة والعافية والعمر ههه
افكر ف كونجلاتور أو نبدل الثلاجة صراحة مزال محتارة بينهم وان شاء الله بعد هذا ساشتري غسالة الصحون تساعدني خصوصا ايام البرد القارس
لي عندها شي اقتراح أما حسن نبدل الثلاجة أو ناخد كونجلاتور تفيديني عزيزاتي
ثلاجة واخة ماقديماش بزاف ولكن بحكم الرطوبة تكرفصت لي شوية

الا شريتي الثلاجة الاول بيعي الثلاجة القديمة ووفري عليها باش تشري كونجلتور
:manga24:
 

ذاكرة

عضوة مواضبة
لطوفتي انا لي مكلفة بالمصروف صراحة والحمد لله ديما معايا الزاد كنعرف اشنو نشري واشنو خاص نعمة من عند الله احمد الله واشكره عليها ما عندناش ما خاصناش كيفاش شديت المصروف الراجل عندي ما كيعرفش يتقدا عينيه كبيرة وكيمشي ليا الحاجة الغالية ومشيت ودرنا تحدي نفس العدد ديال الفوس باش نتقداوا الشهرية مشيت معاه ما قدوهش مع انني شفت انه يقضي الغرض ويشيط الخير في الشهر الموالي شديت نفس العدد ومشينا تقدينا جبت كلشي بالزايد والمهم وشاط ليا تقريبا نصف العدد من تما صافي تكلفت بالمصروف ولي شاط طبعا ديالي صندوقتي خاصها تزار ههههههه هذا لي كاين كاين بعض الرجال ما كيعرفوش يتقداوا يعني يشوف الثمن واش مناسب وحتى الجودة يعني هكا وهكا فعلى قول سيدة خلدون التخطيط مهم والتدبير من اهم الاساسيات لنجاح الاقتصاد الاسري ماشي شي يشرق وشي يغرب هاذ الساعة غادة مزيان وحتى تذاكر الباطو في الصيف انا لي كنقطعهم يعني السيارة وحنا والصيف كيتكون القضية شوية مزيرة مع التقدية والتوجاد فكنقطع في شهر 4 كيكون باقي كلشي ناعس نقطع لشهر 6 او 7 حسب الكونجي وما كهز هم للتقطاع تصوري في شهر 4 نقطع ما بين 90 حتى 112 بغرفة النوم حيث عندنا التراجي طويلة وفي شهر 6 كيضوبل الثمن وهكذا .
 

oumimane

عضوة جديدة
نعم صحيح اختي بارك الله في طرحك
والله العظيم ومن تجربتي شخصيا كاتعرفو موظف الخلصة على قده والكرا ومصاريف الحياة والبعد على العائلة لي غي بغيتي تسافر كاتخسر لي قدامك وموراك وترجع ب 0 درهم وتابعك الكريدي عاد زيد مصاريف الاولاد والوقت مكاترحم ملئ كان الراجل كايصرف ديما الكريدي ديما معندناش اقسم بالله الا نهار 10 فالشهر حنا ماعندنا والو وراه ماشي شي تبراع أو شي اكل ولا كنصرفو بزاف لا بالعكس إنما تراكم الكريديات هو السبب
شمرت على دراعي وجلست الأرض. وخططت مزيان وفكرت بحكم عندي الإجازة فالاقتصاد عرفت السبب لي مغرقنا هكا وبشوية بشوية اللهم لك الحمد اللهم بارك
تجاوزنا الأزمة ولينا نوفرو شوية ترقعنا وهاد بديت الخطط اقول واكرر رآه الخلصة على القد ماشي شي خلصة ديال ورزير غي التخطيط لي فارق في الأمر كانت من سابع المستحيلات نحلم شي نهار ندير شقة تجمعني انا و وليدياتي وبفضل الله يسر فيها الله ولينا نلبسو مزيان ناكلو مزيان نخرجو نفوجو ودرنا سيارة كلشي بفضل التخطيط عمركم تستاهنو بالأمر
انا هنا بغيت نفيدكم بتجربتي ممكن تفيد شي اخت

فعلا التخطيط و حسن التدبير كيلعب دور كبير فالنجاح. فالصراحة ماكرهتكش تكلمي لينا على طريقتك فالتوفير حتى شريت شقة ان كان بالامكان نستافد من تجربتك.
 

أخت لطيفة

عضوة متميزة
لبنات شنو رايكم بدل ما نحطو يوميا للاخوات لي مشي في يدهم المصروف.. اقترح يوم كل جمعة نحطو في الحصالة 20 درهم
 

أخت لطيفة

عضوة متميزة
بديتي تجمعو الفلوس بلا بيا :manga5:

اويل الشيطان علاش كتبكي مجمعنا فلوس عاد كنخططو نجمعو هه ما تساليني حلوف من غير ديك 10 دراهم لي فوق الرزمة غنزيد قدها ونحطهم في الرزمة نهارالجمعة راك جيتي في الوقت كاع لا تبكيش حبيبتشي ههه:manga2:
 

dame khaldoune

عضوة جديدة
الى ثلاجتك باقي فيها ما يدار خليها وخذي كونجيلاتور حيث كتخليه كخزين للاكل واللحم وخاصة لحم العيد كبير واي حاجة درتيها بالزايد حيث ماشي بحال الثلاجة لي كتحل كل نهار الكونجيلاتور كاين النهارات لي ما تحليهش والى خذيتيه خذي لي ما كيديرش الثلج المهم حتى لذيك الساعة ونعطيوك نصائح باش تفاداي مشاكل الكونجيلاتورات
الثلاجة الى باقة صالحة عدي بها حتى توفري لوحدة جديدة وهانتي مهنية مع راسك

نفس الفكرة لي كانقول لي مهم هي حاجة لي كاتجمد أن شاءالله تعالى يزول الحجر ونتوكل على الله
 
أعلى