• مرحبا بكن في اناقة مغربية في حلة جديدة وطاقم جديد . ومرحبا بنا عند اهل المغرب الكرام اهل الكرم والجود. يمكن للعضوات القديمات الدخول والمشاركة باسماءهن القديمة فقط يتوجب عليهن طلب كلمة مرور جديدة عبر خاصية استعادة كلمة المرور

عندي مشكل ,,, كيف ندير نخلي راجلي يعطيني لفلوس أي مصروف الدار بلا ما نطلبه كل مرة

samourasama

عضوة جديدة
السلام عليكم ورحمة الله و بركاته

بغيت أنا نصرف ونشري لبغياه و يكون ضروري ليا و لدار

عندي مشكل في المصروف مع راجلي

راجلي هو لكيصرف وخصي حتى نطلب عليه ونفهمه علاش باغية

فلوس صراحة ديمة كاين تناقض أو عطاني غير شويا أناكرهت ديمة

نفكر ٱش نقوله

أنا بغيت لفلوس تكون بيدي كيف ندير نقنعه


مصروف الدار إما خاصة بالكوزينة أو حوايج لدار أو أمور كنحتاجهم

أنا من كسوة و مكياج و نبغي حتى ندس لزمان
 

أميرة باخلاقي

عضوة جديدة
اختي نتمنى شي حد يجاوبك حيت أنا عندي تقريبا نفس المشكل
راجلي هو لي مكلف بالمصاريف يعني لي بغيتها خصني
نقولها ليه ولكن أنا فات ليا دارت دارت كان يعتيني 300درهم فالشهر
منين شديتها كل مرة كنشري حاجة
 

malakdeco

عضوة جديدة
شوفي اختي ادا كان زوجك ليس مقصر في مسؤوليته اي موفر ليك كل ما كتبغي فاحمدي الله عليه واعلمي انك في نعمة لان يوم القيامة ستسالين عن مال زوجك وفي اي شيء صرفته وبما اننا نحن النساء نميل احيانا الى حب التبضع ونحب كل ما هو جديد وهكدا قد تصرفين المال في شيء اقل اهمية من شيء اخر لدا حبيبتي اتركي زوجك على راحته مع تدخلك في ان تكتبي له حاجياتك كل شهر وان امكن اصطحبيه عند التبضع وانت تختارين وهو يدفع اما ان كان يرفض دهابك معه فالقائمة التي كتبتها له تكفي ثم عليك بالتدخل وابداء رايك ان اشترى شيء غاليا او اقل اهمية وباعطائه التوجيها وملاحظاتك و سوف تجدينه سلسا وياتي لك بكل طلباتك المهم ان تفهمي كيف تصلين لقلب زوجك في اقناعه بحسن تدبرك ولو لم يكن المال بحوزتك وهدا ما انا عليه من ما يزيد عن 23.سنة والحمد لله زوجي يوفر لي كل ما اريده والاهم من دلك مهنيني من التدافع والعيا ديال السوق وانا في بيتي كملكة كل شيء ياتي الي دون تعب واحمد الله على هده النعمة وكل ما قلته ان كان زوجك ليس بخيلا اما ان كان كدلك فما عليك الا بالصبر ولا تحلمي بالمصروف سيكون بيدك يوما الا بالدعاء الى الله ان يشفيه من هدا الداء موفقة
 

samourasama

عضوة جديدة
شكرا أختي أميرة باخلاقي على مرورك تبارك الله عليك ويحفظ لك زوجك مزيان

مين عطيك شهرية والله يهدينا ويسهل علينا ما صعب

شكرا أختي malakdeco على التدخل ديالك و نصحك الطيب لي الله يجعله

في ميزان حسناتك و صراحة عندك الحق الله يهدينا لما هو فيه خير

لي ولزوجي و الله يرزقني القناعة و الرضا ولكل مسلمة يا رب آمين

غير هو شويا قاسح معايا من ناحية إلا طلبته ٱش

خاصني

من إحتياجات هو مكيعرفش بتاتا كيف يتعامل مع ضروريات المنزل

عامة و لكنحتاجله خاصة
 

madame eliousfi

عضوة جديدة
ma3amar rajal ty3raf chno khas fdar lmra likt3raf wty3tik lhad fl9ad makatchyti walo
3lach akhti goulti ghadi ts2al whya maghdyach tsrafhom fchi hwayj bla khbaro tana baba wmama kano haka hwa likysraf wdarna 3la l3am 3ada bach katzad fiha chi pyasa men ba3d gatlo mama bghyt ana nsraf hit hwa makay3rafch yt9ada wkyjib chi hwayj maghynf3o bwalo ghir daya3 dlflous
daba wla ty3tiha hya tsraf ochrat chhal men haja ldar ghir men dak srayaf fach tychof baba dakchi tygouliha wlahila alhaja kadiri chi hwayj zwinin wkyn lmrat tyouno masarif bzaf au moin lmra tykoun 3ndha flous lmsrof wma3mrhom ghadi ytkhaso fmklathom wkha mazma lwad3ia
khasak akhti t9an3ih bach y3tik tsarfi ghir bchwiya blmofaha wbl39al
 

samourasama

عضوة جديدة
الله يعطيك الصحة أختي madame eliousfi على كلامك و حتى ماما نصحتني قالتلي غير بالتي هي أحسن والحمد لله حمدا كثيرا طيبا مباركا فيه على أنه رزقني بهذا الزوج الصراحة هو مزيان معايا غير من ناحية لفلوس لشويا فيه لقسوحية
 

أم كريمة

عضوة جديدة
حتا أنا بحالك أختي راجلي مكلف بكلشي ولكن أنا مرتاحة هاكا الحمد لله
بعض المرات تيجيني داك الاحساس ديال باغا فلوس ف يدي نجيب مابغيت بلا منطلب من حد ولكن تنقول الله انعل الشيطان مالي أنا على تمارة و هم السوق الحمد لله جالسا ف داري كل شي تيوصل عندي
أنا ديما كنفكر واش ممكن نلقا شي طريقة شي نشاط هكايا ولا خديمة نربح منها شوية غي ف الدار , حيت أنا ف فرنسا منقدرش نخدم بسبب الحجاب عاود منقدرش نقص ف مسؤوليات بيتي و راجلي , و مزاااااال ملقيت حتى فكرة ههههههه
و الحمد لله الله اديم علينا النعمة و الشكر
سبحان الله و بحمده سبحان الله العظيم
 

samourasama

عضوة جديدة
أم كريمة حتى أنا كيف حالتك أنا هنا في فرنسا باغية نخدم ولكن أنا محجبة و في نفس لوقت باغية نكون مفرغة غير لدار ولراجلي وكنقنط مالقاش فين نمشي نبدل شويا الجو و معامن نتكلم ،، حالتي كضحك هههه بقيت نتكلم غير مع راسي هههه


الحمد لله حمدا عظيما يرضيك حمدا جميلا كاملا يملأ ما بين السموات و الأرض و مابينهما

سبحان الله وبحمده سبحان الله العظيم عدد خلقه ورضاء نفسه و زنة عرشه و مداد كلماته
 

boudour

عضوة جديدة
السلام عليكم اهلا اختي راه الي يجوبك غير الي مزوجة وضربلا الصح في راسة في ظل الظروف الي كنعيشوها الغلا في كل شي والظروف الاقتصادية الصعبة وحتى حاجة متقد صدقني نجوبك على مشكلتك بحكم اني متزوجة ورجلي هو الي كيصرف من جهة مزيانة هو الي كيصرف وجهة اخرى ملي يشوفك انتنا تكون خارجة معه وكتقتصد ويختبرك انك احسن منو في اقتصاد يوم عن يوم سير معه وتسخر معه يك على اساس هو الي هيدفع الفلوس هو ديك ساعات كيشوفك كيف كتصرف. شنو كتشري هيلقاك انتنا كتقتصد. كتحرص انك تقتصدي في الميزانية هذاك ساعات ملي تروضي اسد هيبقى يعطيك تلقائيا الفلوس واي شي تبغى تشريه هيشرهلك حتى لو كان غالي والله نصيحة متي وشوية ذكاء منك يفيد الشغول
 

أخت لطيفة

عضوة متميزة
السلام عليكم اهلا اختي راه الي يجوبك غير الي مزوجة وضربلا الصح في راسة في ظل الظروف الي كنعيشوها الغلا في كل شي والظروف الاقتصادية الصعبة وحتى حاجة متقد صدقني نجوبك على مشكلتك بحكم اني متزوجة ورجلي هو الي كيصرف من جهة مزيانة هو الي كيصرف وجهة اخرى ملي يشوفك انتنا تكون خارجة معه وكتقتصد ويختبرك انك احسن منو في اقتصاد يوم عن يوم سير معه وتسخر معه يك على اساس هو الي هيدفع الفلوس هو ديك ساعات كيشوفك كيف كتصرف. شنو كتشري هيلقاك انتنا كتقتصد. كتحرص انك تقتصدي في الميزانية هذاك ساعات ملي تروضي اسد هيبقى يعطيك تلقائيا الفلوس واي شي تبغى تشريه هيشرهلك حتى لو كان غالي والله نصيحة متي وشوية ذكاء منك يفيد الشغول

الله يعطيك الصحة فكرة مجاتس في البال وكنت اضن حنا لي تروضنا عليها مشي العكس
 
أعلى