• مرحبا بكن في اناقة مغربية في حلة جديدة وطاقم جديد . ومرحبا بنا عند اهل المغرب الكرام اهل الكرم والجود. يمكن للعضوات القديمات الدخول والمشاركة باسماءهن القديمة فقط يتوجب عليهن طلب كلمة مرور جديدة عبر خاصية استعادة كلمة المرور

شكون كتعرف تصاوب لخميرة لبلدية دخل الله اجزيكم خير

أم جوهرة

عضوة جديدة
السلام عليكم ورحمة الله وبركاته
اخواتي الانيقات
عفاكم شكون عندها طريقة صنع الخميرة البلدية
وشكون تشرح لي شنهما الاسباب لي ميخلوهاش تصدق عيت مجربت شحال من طريقة مكطلعش لي كتبقى كما حطيتها بيت غير نصوبها والوا حلفت لتصوب بيت لي مرت بنفس التجربة وصدقت ليها من بعد تشرح لي راني حرت معاها والوا عيت في طرق عيت منجرب بدون فائدة :manga19:اشنهما العوامل لي مكيخلوهاش تصدق
 

mama layla

عضوة جديدة
وعليكم السلام

1 مديريهاش في البلاستيك خاصها الزاج ولا الفخار
2 خلطيها بايديك او العود من الاحسن
3 مكتصدقش بالفورص من الاول يعني ضروري طحين بالنخالة ولا طحين الشعير
4 كاينين بزاف ديال الطرق من بينهم الطحين والماءوزيدي حبات ديال الفول خليها بلا تلاجة حتى الغد وتلقايها موجودة
5 مديريش الملحة فيها
اوا اختي هادشي الي تفكرت دابا نتمنى نكون جاوبتك الا كان شي سؤال مرحبا ومازال الاخوات انصحونا
 

أخت لطيفة

عضوة متميزة
اي طريقة درتيها بها كتصدق غي خاصها الدفا وبماانه الجو ساخن يومين تكون واجدة

بقاي تعجني بهاويوميا تنشطيها بمعلقتين طحين وتمرة والماء المافي حتى تقدام عاد مللي تبغي تعجني بها نشطيها قبل بساعتين او اكثر
 

ذاكرة

عضوة مواضبة
طريقتي الناجحة في الخميرة البلدية
دقيق كامل ديال القمح بنخالتو او دقيق الشعير قياس مثلا زلافة صغيرة كبي عليها ماء دافي ما تكون جارية ما قاصحة يعني بحال السفنج وفي قرعة الزاج في القاع ديالها غذيها بحبات من التمر زولي لو العلفة او حبات من الزبيب وخبيها على الضو وقولي بسم الله وتوكلت على الله وغادي تنجح لك باذنه وقوته غير خاصها تخمر باش تفيض وتخمر لك الخبز ان شاء الله طريقتها ساهلة وغنية بالفوائد راه ملي كتبداي تقادي فيها وانتي كتصلي على الحبيب وسلم وتذكري الله سبحانه وتعالى الخميرة عندها السر ديالها رباني والله يسخر لك فيها ان شاء الله
 

أم جوهرة

عضوة جديدة
وعليكم السلام

1 مديريهاش في البلاستيك خاصها الزاج ولا الفخار
2 خلطيها بايديك او العود من الاحسن
3 مكتصدقش بالفورص من الاول يعني ضروري طحين بالنخالة ولا طحين الشعير
4 كاينين بزاف ديال الطرق من بينهم الطحين والماءوزيدي حبات ديال الفول خليها بلا تلاجة حتى الغد وتلقايها موجودة
5 مديريش الملحة فيها
اوا اختي هادشي الي تفكرت دابا نتمنى نكون جاوبتك الا كان شي سؤال مرحبا ومازال الاخوات انصحونا
درت هذشي اختي ومعرفتش علاش مبغاتش تصدق كنخلطها بيدي دورتها في زاج وفي طين ودرتها في دقيق
ودرتها بدقيق شعير ودقيق القمح الكامل والوا ياختي سخنتهاودفيتها والوا
سديت لقرعة
ولقيت موضوع كالوا مخصكش تسدي لقرعة تغطى غير بتوب درتها والوا
كالوا ليا ماء الكلة درتوا والوا
لقيت عوتاني تخلط بماء معديني درتوا والوا عيت معاها شي شهر هذا
كتزيد تمر ولا لفول ولا تفاح ولا لعسل لحر تحجا مبغاتش تصدق
لقيت عوتاني خصني نرخف لعجينة بحال سفنج او والوا لقيت عوتني طريقة تكون جارية والوا مبغاتش تصدق
مفهمت باقي والوا عيت معاها:manga4:
 

أم جوهرة

عضوة جديدة
اي طريقة درتيها بها كتصدق غي خاصها الدفا وبماانه الجو ساخن يومين تكون واجدة

بقاي تعجني بهاويوميا تنشطيها بمعلقتين طحين وتمرة والماء المافي حتى تقدام عاد مللي تبغي تعجني بها نشطيها قبل بساعتين او اكثر


مبغاتش ياختي عيت
 

أم جوهرة

عضوة جديدة
طريقتي الناجحة في الخميرة البلدية
دقيق كامل ديال القمح بنخالتو او دقيق الشعير قياس مثلا زلافة صغيرة كبي عليها ماء دافي ما تكون جارية ما قاصحة يعني بحال السفنج وفي قرعة الزاج في القاع ديالها غذيها بحبات من التمر زولي لو العلفة او حبات من الزبيب وخبيها على الضو وقولي بسم الله وتوكلت على الله وغادي تنجح لك باذنه وقوته غير خاصها تخمر باش تفيض وتخمر لك الخبز ان شاء الله طريقتها ساهلة وغنية بالفوائد راه ملي كتبداي تقادي فيها وانتي كتصلي على الحبيب وسلم وتذكري الله سبحانه وتعالى الخميرة عندها السر ديالها رباني والله يسخر لك فيها ان شاء الله
مزال الضوء معرفت غنجرب نعاودها ونخبيها من ضوء هذي لي مدرتش:manga10:يارب تصدق غنجرب إن شاء الله:manga13:
 

تحدي الصعاب

عضوة جديدة
الله يسخر ليك وتنجح كيفما قالت الاخت ذاكرة سمي الله وبداي حتى انا اختي فالاول ماكنتش نعرف ليها وعييت مانشوف فيديوات فاليوتيوب ودوخوني بحالا باغا نصنع صاروخ وهي اسهل مايكون خصوصا مع هاد الحال سخون غي الما وطحين بنخالتو والغد ليه تصبح فايضة هاد طريقة كنت جربتها على حسب ماسك لوجهي حيت الاخرى د لعجينة تتكون فيها الملحة.عملت طحين بنخالتو مع الما الغد ليه ماشاء الله صبحت فايضة.اما بالنسبة لاول مرة جربتها فالبرد مابغاتش تصدق مزيان وانا من كترت ماسمعت على فوائد ديالها ماقدرتش نصبر عليها حتى تتوجد وانا من راسي شديت طرف من لعجينة لي عجنت بالخميرة الرومية وخليتها ف سطل د طحين الغد ليه لقيتها خمرات صافي عجنت بيها وبقيت ماشية على هاد طريقة تنعجن ملي تنقرص تنقص شوية هو لي تنعجن بيه الغد حتى تربات عندي انا غي قتليك تجربتي ماعرفتها واش صحية واش لا المهم هذا ماكان وتنظن مع هاد الحال سخون بزربة توجد غي هي ضروري توكليها كل نهار. ايلا ماعجنتيش زيد عليها طحين والما باش تبقى مزيانة
 

أم جوهرة

عضوة جديدة
الله يسخر ليك وتنجح كيفما قالت الاخت ذاكرة سمي الله وبداي حتى انا اختي فالاول ماكنتش نعرف ليها وعييت مانشوف فيديوات فاليوتيوب ودوخوني بحالا باغا نصنع صاروخ وهي اسهل مايكون خصوصا مع هاد الحال سخون غي الما وطحين بنخالتو والغد ليه تصبح فايضة هاد طريقة كنت جربتها على حسب ماسك لوجهي حيت الاخرى د لعجينة تتكون فيها الملحة.عملت طحين بنخالتو مع الما الغد ليه ماشاء الله صبحت فايضة.اما بالنسبة لاول مرة جربتها فالبرد مابغاتش تصدق مزيان وانا من كترت ماسمعت على فوائد ديالها ماقدرتش نصبر عليها حتى تتوجد وانا من راسي شديت طرف من لعجينة لي عجنت بالخميرة الرومية وخليتها ف سطل د طحين الغد ليه لقيتها خمرات صافي عجنت بيها وبقيت ماشية على هاد طريقة تنعجن ملي تنقرص تنقص شوية هو لي تنعجن بيه الغد حتى تربات عندي انا غي قتليك تجربتي ماعرفتها واش صحية واش لا المهم هذا ماكان وتنظن مع هاد الحال سخون بزربة توجد غي هي ضروري توكليها كل نهار. ايلا ماعجنتيش زيد عليها طحين والما باش تبقى مزيانة
شكرا اختي جزاك الله خيرا
 

أم جوهرة

عضوة جديدة
طريقتي الناجحة في الخميرة البلدية
دقيق كامل ديال القمح بنخالتو او دقيق الشعير قياس مثلا زلافة صغيرة كبي عليها ماء دافي ما تكون جارية ما قاصحة يعني بحال السفنج وفي قرعة الزاج في القاع ديالها غذيها بحبات من التمر زولي لو العلفة او حبات من الزبيب وخبيها على الضو وقولي بسم الله وتوكلت على الله وغادي تنجح لك باذنه وقوته غير خاصها تخمر باش تفيض وتخمر لك الخبز ان شاء الله طريقتها ساهلة وغنية بالفوائد راه ملي كتبداي تقادي فيها وانتي كتصلي على الحبيب وسلم وتذكري الله سبحانه وتعالى الخميرة عندها السر ديالها رباني والله يسخر لك فيها ان شاء الله

شكرا اختي درتها في دقيق وخبيتها على ضوء وصدقت ليا
جزاك الله خيرا :manga11:
 

ريم 2012

بصمة رائدة بالمنتدى
بسم الله ماشاء الله الاخوات كفاو ووفاو الله يجازيهم بخير
عندي عدة طرق كلهم اروع من بعض ومنزلاهم كلهم ناجحين نعطيك اخر وحدة نزلت
نعطيك حتى انا طريقتي عملو لي خاطري ههههههه

الخميرة البلدية بالطريقة التقليدية الاصلية بدون حموضة


المقادير
كاس دقيق قمح كامل بخالته
كاس دقيق شعير كامل بنخالته
حبة تمر او تين مجفف
ماء حي دافئ (يعني ماء يوضع في انية طين 12ساعة)
الطريقة
يجمع الدقيق بالماء شيئا فشيئا مع الدلك الجيدا ويزال لحبة التمر النوى وتوضع وسط العجين وتوضع في قنينة او انية فخارتغطى وتترك في مكان دافئ 24 ساعة وبعدها يصب العجين في انية ويضاف اليه كاس دقيق قمح كامل اخر ويعاد عجنها جيدا بالماء الحي الدافئ وترجع للاينائها من دون ان يغسل مع باقي حبة التمر وتترك في مكان حتى تخمروتعمل فقاعات كبار وتكون جاهزة للاستعمال
 

ذاكرة

عضوة مواضبة
وجات المعلمة والشاف المميزة بدرس وافي وشافي على الخميرة البلدية اللهم بارك لنا فيك ويزيدك توفيق ونجاح في قناتك حبيبتي ويسر امورك يارب الله يعطيك الصحة
 
أعلى