• مرحبا بكن في اناقة مغربية في حلة جديدة وطاقم جديد . ومرحبا بنا عند اهل المغرب الكرام اهل الكرم والجود. يمكن للعضوات القديمات الدخول والمشاركة باسماءهن القديمة فقط يتوجب عليهن طلب كلمة مرور جديدة عبر خاصية استعادة كلمة المرور

زواج مخفي, خيانة معلنة!

دوقة إنشرآآح

عضوة متميزة

ممكن الرجل يختار مرته المستقبليه بأحلام متواضعة
كاع اللي ممكن يفكر فيه هو أنها تكون زوينة، بنت عائلة، متخلقة، تقد على المسؤولية، امرأة يفتخر بها قدام مجتمعة،
لكن فالمقابل ماهياش البنت اللي تيحلم بها فأعماقه، أو ديك اللي حلم بها فطفولته و مراهقته،
ماشي هي البنت اللي توالم تصوراته الأكثر عمقا، و مشاعره الاكثر خصوصية،
ديك البنت اللي معها يقدر يدير كلشي كابته في خاطره،
امرأة يقدر يشوفها على أرض الواقع و يلمسها فمساحات الحياة الشاسعة،
ماشي مجرد علاقه يتخبى بيها ورا الحيوط دايما
و مامسموحش ليه يخرج بيها بزاف لفين كاين الهوا و الاوكسجين و الما.

مع الأسف دايما تنقولو: ( الخيانة علاقه تتم في الخفاء )
لكن فالحقيقة العبارة ولات مقلوبة، مابقاتش الخيانة علاقة في الخفاء، بل الزواج هو اللي ولى تيمارسوه المتزوجين في الخفاء
فالوقت اللي تيخرجو المصاحبين للحياة باش يتشاركو النشاطات و الخرجات و المغامرة
و يختبرو كاع المتعة اللي كاينة فهاد العالم ،،
بينما بعض الرجال مثلا يقد يخلي مرته اللي ما اختارها إلا باش يرضي بيها مجتمعه
يخليها فالدار،
هي صورة مجتمعية عندها القالب ديالها اللي لا يجوز لها تخرج عليه
و الى خرجت مابقاتش ديال الزواج، و فقدت الكثير من الامتيازات اللي كانت تاتمتع بيها كزوجة.

يا إما لأسباب اجتماعية متعلقة بيها، أو متعلقة براجلها،
تتحس براسها محاصرة بصورة نمطية ماتقدرش تخرج على إطارها،
و مرهونة بمتطلبات باش ترضي الناس ماشي باش ترضي راجلها، و باش ترضي عائلته و عائلتها ماشي ترضي نفسها،
تتلقى راسها تزوجت المجتمع ماتزوجش به هو،
المجتمع هو اللي تيطالب وهو اللي تيفرض وهو اللي تيزير،
ماشي هي أو راجلها،
و الزوج اللي تيحس بلي كاينة استراحة ولو تبان بسيطة باش يخرج من هاد المنطقة اللي تتخنق
حنت المجتمع يقد يعطيه ديك الفرصه للمغادرة
غالبا ماتتمش إدانة الرجل بقدر ما تتم إدانة المراة،
تيهرب،
ماشي من المنطق أنه يتحمل دوك القيود غير المنطقية فالوقت اللي عنده الإمكانية باش يتخلص منها،
بينما ماتتقدرش المراة تخرج أو تهرب.

الحياة الجميلة الرائعة اللي تيحلم بها كل واحد،
ماتيلقاهاش؛
بسبب مجتمع ممكن يدين كلشي،
والإنفصال على المجتمع بشكل كلي ماشي حاجة صحية
صعب الإنسان يعيش بلا مجتمع
لكن كاين أكثر من طريقة باش يتعايش مع كلشي فنفس الوقت،
ينفصل الإنسان بحريته الشخصيه على مجتمعه، و يعيشها كيما يبغي،
ماحده ماتيرتكب حتي شي جرم، وما تيآذي حد،
فالمقابل يحافظ على الصورة العامة فالأوقات و المناسبات،
و يخلي حياته الخاصه تبقى خآآاصة،
وهدشي اللي تيديروه بعض الشباب، تيعيشوا بهاد الطريقة وعلى هاد النهج
فالواقع: هم
تيتعايشوا مع المجتمع بزوجات، و ازواج، وأسر محافظة على التقاليد و العادات؛
هادي قضية مهمة
و الإنسلاخ منها تيهدم شوية من شخصية الانسان،
مزيانه تكون شخصية عندها أصالة
لكن ملي يجي وقت الحرية الشخصية تيعيش حياته بالطول والعرض،، بلا مايمس ديك الأصالة فذاته،
و تيدي شريكة حياته معاه، إلى كانت متفهمة و قادرة تتمشى بين العالمين بجوج بكل ذكاء و ثقة و حكمة،
ماتتخسرش خصوصيتها و فرصتها فحياة متميزة و غنية،
و ماتتخسرش مكانتها الإجتماعية كزوجة عندها حضورها.

127077160_1092293267898280_5440508028003657208_n.jpg
127501178_1092293347898272_499209512816262681_n.jpg
127883959_1092293391231601_5142513552097962105_n.jpg

هادي كانت تجارب شي بنات فواحد الكروب... و نتي...؟!!
.................................

البنت اللي ماتتفهمش أنها فاختبار،
تقد تبدا تطلق أحكام،
وتولي كي دوك النسا المتسلطات الشارفات،
اللي تينتقدوا كلشي،
وأي حاجة،
تقليديات مصرات يصبغوا كاع العصور بأفكارهم الرجعيه و سوء نواياهم،
تيطلقوا أحكام على كلشي
متحجرات ماعندهمش القابلية على الإطلاع على الرأي الآخر،
تيعرف راجلها أنه قدام امرأة فكرها متزمت مامستاعداش تستوعب أو تتبدل أو تعيش،
مستسلمة لمجموعة أفكار وإعتقادات بالية
ماعندها علاقة لا بالاصالة ولا بالدين،
جاية من زمان غآابر
ماشي مؤهلة باش تعيش حياة زوجية عصرية،

الحياة الزوجية،
حياة مستمرة ودايمة،
داك الشريك اللي غيعيش معاك غيبقى تما معاك للأبد،
و أي حاجة باغة تعيشيها فحياتك فالغالب غيشاركك فيها،
إلى كان بعيد كل البعد على طقوسك ماغيكونش مناسب،
بل غيجيب لك الأمراض بشتى أنواعها،
خاصك تفهمي هدشي،
تعرفي على كاع الخيارات فحياتك
وعزلي منها اللي يوالمك فقط،
ما تقلدي حد،
بل اختاري من تجاربهم الحاجة اللي تناسب حياتك.

xxx​
 

دوقة إنشرآآح

عضوة متميزة
ماشاء ألله استفدت من الموضوع الكثيير والكثيير جزيتي خيرا دوقتي
الحياة الزوجية في نطاق الشرع حياة سعيدة بدون شك خاص الي يفهم الدين ومايفهموش بالمقلوب ويقولك الدين دين يسر
الله يخليك لي
على التشجيع الدائم و المساندة
ممتنة لك
 
أعلى