• مرحبا بكن في اناقة مغربية في حلة جديدة وطاقم جديد . ومرحبا بنا عند اهل المغرب الكرام اهل الكرم والجود. يمكن للعضوات القديمات الدخول والمشاركة باسماءهن القديمة فقط يتوجب عليهن طلب كلمة مرور جديدة عبر خاصية استعادة كلمة المرور

بنات الرباط تمارة و سلا .ساعدونيييييي محتاجة كوافورة

laghrissi

عضوة جديدة
السلام عليكم
الله يجازيكم با لخير محتاجة المساعدة ديالكم
:17kisa:
بغيت شي العنوان ديال كوافورة او كوافور، مزيانة و معقولة و بثمن مناسب للمكياج و التسريحة العرس . الرباط تمارة او سلا
عتقوني الله يعتقكم وماتباخلوش على ختكوم
:17kisa:
 

البلبل الصامت

عضوة جديدة
رد: بنات الرباط تمارة و سلا .ساعدونيييييي محتاجة كوافورة

أختي الكوافورة اللي نصحك بيها كاينة فالشبانات فالرباط سميتها فاطمة عدنان، ومعروفة بعدنان، بروفيسيونيل فالحلاقة، أنا صاوبت عندها عجباتني، كتمشي عندها قبل وكتافق معاك على الموعد ديال معالجة البشرة وداكشي كاع للي كيكون قبل نهار العرس، سيري عندها بعينيك مغمصين. والله يكمل بالخير.
 

laghrissi

عضوة جديدة
رد: بنات الرباط تمارة و سلا .ساعدونيييييي محتاجة كوافورة

شكرا جزيلا اختي ، عافاك الى ممكن تنعتيها ليا بضبط فين جات باش نمشي مقصدة ، حينت سمعت ايضا انها كاينة في يعقوب المنصور ،و لكن معرفتش عنوانها الله يجازيك بالخير ماتنساينيش ، سؤال اخر واش كتقن الماكياج و المشاطي
 

rim2004

عضوة جديدة
رد: بنات الرباط تمارة و سلا .ساعدونيييييي محتاجة كوافورة

اختي سيري لg 5 فالرباط وسولي عليها كاينة حدا مكتبة المناهل
 

laghrissi

عضوة جديدة
رد: بنات الرباط تمارة و سلا .ساعدونيييييي محتاجة كوافورة

شكرا اخواتي ، ولكن واش جات ف ج 5 ف يعقوب المنصور ، و لا في شبانات قرب سور الروضة كيفما قالت الاخت البلبل الصامت ، حينت هادو عنوانين مختلفين ، سمحولي برزطتكم معايا
 

البلبل الصامت

عضوة جديدة
رد: بنات الرباط تمارة و سلا .ساعدونيييييي محتاجة كوافورة

أختي راها نفسها، حيث سمعت أنها عندها محال واحد آخر ف جي 5، المهم أنا صاوبت عندها فالشبانات هي المكياج عندها واعر، تعطيها وجهك وتسكتي، والمشاطي كذلك، سيري للشبانات، مبعيداش بزاف على الروضة، وسولي تماك ولا شدي الطاكسي، ومتركبيه حتى تسوليه واش كيعرف المحال دبالها فالشبانات كاتبا عليه صالون عدنان للحلاقة العليا، أنا هاكذا نعتوا ليا فاش تزوجت. والله يتمم لك بالخير
 

sarita-lolo

عضوة جديدة
رد: بنات الرباط تمارة و سلا .ساعدونيييييي محتاجة كوافورة

ختي أنا كنت صوبت عندها فعرسى و كلشي عجبو المكياج و المشطة أنا درت نكافة رشيدة برنسيس و صوبت عند عدنان صوبت ليا الحناء مكياج أقل ما يقال عليه روعة راجلي معرفنش ملي شافني أما فلعرس شي حاجة زايدة
شوفي إلى مشيت تمك راه مكينش ليعطيك راس الخيط أنا نهار لي مشيت عندها 4 سويع و أنا تنقلب عليها غير واحد مول طاكسي مسكين الله يجازيه بخير شفنا 3 ديال المرات كنقلبو و هزنا قالنا راه تنسقن حداها و متخلصش منا المهم غير سيري عندها بعينيك مغمضين ولله أختي عن تجربة هذا عنوان ذيلها بضبط
شبانات حي يعقوب المنصور مخالف
إلى تلفتى تصلي بها و هي تكلم مع مول تاكسي ويوصلك عندها حتى الباب
 
التعديل الأخير بواسطة المشرف:

catwomen1989

عضوة جديدة
رد: بنات الرباط تمارة و سلا .ساعدونيييييي محتاجة كوافورة

السلام عليكم ورحمة الله وبركاته

لغتنا هي لغة القرآن، نعتز ونفتخر بأبجديتنا
كتابة العربية بالأحرف اللاتينية تشوه جمالية المواضيع، وتفقد منتدانا هويته العربية عموما والمغربية خصوصا

inwmgeh2ddxt30fikowd.gif


لا تملكين العربية وتريدين التخلص من اللوحة؟ تفضلي من هنا..
http://www.anaqamaghribia.com/vb/sho...9246&highlight

أو هنا :
http://www.google.com/intl/ar/inputtools/cloud/try/
http://www.leclavier.com/arabe/
http://www.yamli.com/clavier-arabe/
http://www.lexilogos.com/clavier/araby.htm
http://www.arabic-keyboard.org/clavier-arabe/
http://www.anaqamaghribia.com/arabic

دليل الأعضاء :
http://www.anaqamaghribia.com/vb/sho...d.php?t=294105

 
التعديل الأخير بواسطة المشرف:

laghrissi

عضوة جديدة
رد: بنات الرباط تمارة و سلا .ساعدونيييييي محتاجة كوافورة

اختي sarita شكرا بزااااااااااااااااااااااف على المساعدة ديالك و على هاد التوضيحات ، الله يجازيك الف خير ، الى ممكن تعطيني العنوان ديال نكافة رشيدة برنسيس حينت فايت حضرت لواحد لعرس نكفات فيه وعندها داكشي زوين ، ماتنساينيش ، بالنسبة لهاتف راه مابانليش فرد ديالك
 

دكتورة بشرى

طبيبة في المنتدى تخصص طب عام ,
رد: بنات الرباط تمارة و سلا .ساعدونيييييي محتاجة كوافورة

دخلت هنا لأقول لك ...ألف مبروك أختي الزواج ويا رب يكمل عليك وعقبال باقي العازبات .
 

sarita-lolo

عضوة جديدة
رد: بنات الرباط تمارة و سلا .ساعدونيييييي محتاجة كوافورة

بغيت نزيد نساعدك ولكن راه ممنوع نحط هنا أرقام الهواتف و عنوان حيت كنت كتبت ليك ديال عدنان هو ورقم الهاتف و حذفوه المشرفات
إلى عندك الفيس نهدرو فيه
 
أعلى