• مرحبا بكن في اناقة مغربية في حلة جديدة وطاقم جديد . ومرحبا بنا عند اهل المغرب الكرام اهل الكرم والجود. يمكن للعضوات القديمات الدخول والمشاركة باسماءهن القديمة فقط يتوجب عليهن طلب كلمة مرور جديدة عبر خاصية استعادة كلمة المرور

بغيت نحمل عاونوني

سكينة سوسكا

عضوة جديدة
هدي عامين باش مزوجة دوزت عند الطبيبة قاتلي عندي تكيس وضعف تبويض وعتات راجلي تحاليل وطلعو ناقسين من حيت الكمية وارتفاع فهرمون الحليب هدشي عند راجلي ودابا عطوه موعد عند طبيب الغدد وليني مبغاش امشي وانا دبا مشيت عند وحد سيدا كنمسد واش كين شأمال نحمل اه راجلي عندو غير 4 مليون الحيونات المنوية؟؟؟؟؟،،😔😔
 

ستمطر

عضوة جديدة
السلام عليكم ختي تكيس المبيض غتعالجيه بالريجيم الصارم والرياضة وشرب الماء وبادوية التنشيط اللي غتعطيك الطبيبة هذا هو البروتوكول اللي كيدار بالنسبة للحالة ديالك
وبالنسبة لراجلك ضروري يشوف Urologue اخصائي جهاز ذكورة ومسالك بولية
لأنه حسب منظمة الصحة العالمية هاذ النسبة تحت الحد الأدنى خاص يكون عندو عالأقل 15 مليون أما 4 ناقصة بزاف ولكن بزاف د الناس تعالجو وقل منو متخافو والو ديرو أملكم فالله وحاولي أنك تقنعيه يمشي لأن عامل السن مهم قدما كبرتو كتقل الفرص
وقراي قصة أم يوسف فالمنتدى باش تآنسبيراي نتي وراجلك قراوها والله يعطيكم ذرية صالحة بارة سارة
 

سكينة سوسكا

عضوة جديدة
شكرا ختي على المعلومات راجلي فلول مشا urologue وقالو كلشي مزيان هو لعتاه تحليلة ديال هرمون الحليب ولقيناه طالع و قالو سير لطبيب د الغدد باش اشوف لمشكيل دهاد لهرمون مناش وانا كنت مشيت عند geneco قاتلي ماعندكش تكيس بنسبة كتيرة لتمنع الحمل ولكن راجلي هوا لمشكل الحقيقي نتمناو خير وشكرا بزاف ختي ولله اهنيك منويتي فخاطرك
 

ستمطر

عضوة جديدة
ااه ايوا خصو يكمل المراحل ويمشي للطبيب
العفو احبيبة الله امين ويعطيك منويتي ويقر عينك
 

مامات علي

عضوة جديدة
هدي عامين باش مزوجة دوزت عند الطبيبة قاتلي عندي تكيس وضعف تبويض وعتات راجلي تحاليل وطلعو ناقسين من حيت الكمية وارتفاع فهرمون الحليب هدشي عند راجلي ودابا عطوه موعد عند طبيب الغدد وليني مبغاش امشي وانا دبا مشيت عند وحد سيدا كنمسد واش كين شأمال نحمل اه راجلي عندو غير 4 مليون الحيونات المنوية؟؟؟؟؟،،😔😔
اختي الله يسر امرك ويرزقك الذرية الصالحة ،ديما ديري فبالك اختي ان الطبيب والادوية سبب والشفاء بيد الله عز وجل ادعي وابكي وتضرعي له سبحانه وحبذا لو في جوف الليل لكن بيقين انه مجيب الدعاء لا بالتجربة.
 
أعلى