• مرحبا بكن في اناقة مغربية في حلة جديدة وطاقم جديد . ومرحبا بنا عند اهل المغرب الكرام اهل الكرم والجود. يمكن للعضوات القديمات الدخول والمشاركة باسماءهن القديمة فقط يتوجب عليهن طلب كلمة مرور جديدة عبر خاصية استعادة كلمة المرور

اول مرة كانت .......

أم براء و آلاء

عضوة جديدة
رد: اول مرة كانت .......

هههههههههههههه اضحك الله سنكم قتلتوني بالضحك فهاد الليل الناس ناعسين وانا كانغوت بالضحك هههههههههههه
كنت فالابتدائي و عزاز عليا الدراري الصغاااار واحد النهار جاو عندنا الضياف و جابو معاهوم ولدهم باقي صغير يالاه كايحبو جيت من المدرسة فالعشية دخلت سلمت و مشيت لبيتي نبدل حوايجي شوية الوليد بدا كايحبو تادخل عندي انا ماشفتوش جيت نخرج وانا نزطم عليه ايييييوا شحال بكااا مابغاش يسكت و مو قالتلي مالو ابنتي ؟؟ ههههههه قلتلها واقيلا غير جاه الجوع هاكي عطيه البزولة ههههههههههههه
و سبحان الله كاطرالي غير مع البراهيش هههههه
واحد النهار عاود جاو عندنا ضياف و عندهم بنوتة كبيبرة تكون عندها ديك 3 سنين صدعاتلي راسي كاتدخل لبيتي و تصدعتي و تحل الباب و تهز حوايجي و لعب ديالي و تشتتهوم صبر ليها تاعييت وانا نهزها و زيرت عليها مزياااااااااااااان و بدات تبكي هههههههههه

واحد النهار عاود هههههههه كانت فيا السخانة هههه ايوا و كانت الدار عااامرة جا عمي و ولادو كانو يالاه جاو من فرنسا ايوا و كانو مجموعين فالصالون شوية كايشوفوني خرجت من البيت كانعرج ههههههه راني مزيرة و سادة عيني و مشيت تا البيت نتاع ماما حليت الماريو و بديت كانيد سروالي و باغا ندير بيبي ههههههههههههه حسابلي باب الطواليط ههههههههه

ايلا تفكرت شي حاجة نرجع و نكتبها هههه
 

nirmines

عضوة جديدة
ضحكت على ردودكم ايوا انا كنت صغيرة كنمشي للروض عندي ايوا ملي مشيت للوض شوية دالوقت جات المعلمة قالت لي نوضي لداركم راه فيك بوحمرون غتعادي الدراري ايوا انا فرحت حيت كانت صعيبة مشيت للدار دقيت طلات ختي الكبيرة من الشرجم قلت ليها حلي قالت لي سيري للروض لاش جاية قلت ليها راني مريضة قالت لي مبيك والو غير كتبوحطي ايوا حلفات لحلات لي قالت لي جلسي تم تنسالي التسياق وهي مضروبة على النضافة قالت ينشف الدروج ودخلي بقيت فواحد العتبة نتسنى فيها تاسالات وملي دخلاتني مقدرت نمشي طلعات لي السخانة خافت من الوالدة قالت ليها هاكي جابوها من الروض راه معرفت مالها حمراء ايوا شوية دقات المعلمة جات تسول فيا قالت للوالدة راه سيفتها حيت فيها بوحمرون وختي بدات تقولي فين مشيتي تلعبي ياك ديك ساع جي للدار دغيا قبل ميتزاد عليك الحال وليت انا لي في الفالطة هدشي لتفكرت
 
أعلى