• مرحبا بكن في اناقة مغربية في حلة جديدة وطاقم جديد . ومرحبا بنا عند اهل المغرب الكرام اهل الكرم والجود. يمكن للعضوات القديمات الدخول والمشاركة باسماءهن القديمة فقط يتوجب عليهن طلب كلمة مرور جديدة عبر خاصية استعادة كلمة المرور

ان شاء الله = الله لا يريد

فيروز فلسطين

عضوة جديدة
0001.gif




موضوعي هذا
حصري لاناقة مغربية
هو فضفضة من خاطري

موضوعي ليس موضوع
دين
ولا موضوع
شرح

لا ابدا حرت اين اضعه هل اضعه
بالمنتدى الاسلامي
لعلاقته بجملة نقولها اعظاما لشأن الله سبحانه وتعالى

او اضعه
بمنتدى فضفضات الانيقات لاني اعتبره فضفضة
من خواطري التي عشت معها دائما وابدا واتعايش معها
وحاولت التغيير قدر الامكان ولكن لم استطع تغييرالغير ولكني طبقتها على نفسي

ستتساءلون ماهي هاته الجملة ولكن الكثيرات منكن لاحظنها من خلال العنوان

نعم هي

images


هاته الكلمة لما لها من معنى رباني
ولما لها من ثقل ديني

فهي تساوي في ثقافتنا الشعبية

ان شاء الله

=

لا او التسويف


كاين فيكم اللي غتعتارض وتقوليا اش تتقولي
ولكن كنقولكم انه الواقع المعاش في كل البيوت المغربية ان لم اقل جلها

ماما بغيت حلوى

واخى ان شاء الله

مشااااااااااااااااااااااااات الحلوى وبقيت الامنية


بابا بغيت نمشي معاك

واخى ولدي ان شاء الله

مشااااااااااااااااااااااااات الخرجة وبقات الامنية


ابالغ نعم ابالغ


ولكن هول الجملة وارتباطها بالتسويف هو ما جعلني اقف عندها
واكتب خاطرتي هاته لاشاركها معكن حبيباتي

كبرت وكبرت احلامي

ماما بغيت نسافر بوحدي
بغيت نمشي ندوز الصيف عند اختي


واخى بنتي حتى الصيف ان شاء الله ونشوف مع باباك

ذهب حلمي في السفر

انا لا الوم ولا اعترض عن قول الجملة ولكن اعترض عن
استخدامها في الهاء الطفل عن ما يريده

حتى اصبحت هاته الجملة مرسخة في ذهن الاطفال عن ان

ان شاء الله = لا ( عدم تنفيذ ما يريده)

وهذه هي الطامة الكبرى

من سيعيد تركيب ذهن الطفل من يعيد غسله من هاته الكارثة
هل انتن يا امهات واعيات بما تقمن به

واش انتي عارفة انك تفسدين ايمان طفل او طفلة بالله

لا انا عارفاك انك ما قاصداش ولكن هادشي اللي اعطى الله راكي فعلا
تتهزي ايمان طفلك او طفلتك بالله سبحانه وتعالى
وتتعطيه انطباع ان ربنا عز وجل لا يريد تنفيذ امانيه واحلامه

فيقو يا انيقات وعيقو بهول المشكل

وبداو بتغيير انفسكن انتوما الاولات عاد شوفو اللي دايرين بيكوم

انا متاكدة الى ما درتوهاش انتوما او ماتتديروهاش وقعات ليكم
في حياتكم ولو غير مرة وحدة وحسيتو بهاد الاحساس

اوا ديري يديك في يديا واجي نغيروا هذا الاعتقاد اللي ساير عندنا


من جهتي عقدت العزم من اول ما تزوجت ورزقت باطفال اني
ان اردت تنفيذ ما يطلب مني اقول نعم ساقوم بالشئ ان شاء الله
واشرح له اني ساقوم به بالفعل ولكن ان اراد الله
ذلك لاني ان انا مرضت مثلا او حدث شئ
لا يكون في الحسبان يكون على اقتناع ان الله لم يسهل الشئ له
ويكون عارفا انه لست انا من سوفت الامر له

وان لن اكون قادرة على تنفيذ الامر اقول له مباشرة
لا اريد انه لن يقوم بالفعل واشرح له الامر
او لن اشتري ما يريد واشرح الامر

ولا اقول له ان شاء الله وانا عاقدة العزم على اني لن افعلها
وفي الاخير يكتشف اني فقط اسوف الامر وتبقى راسخة في دماغه
كلما طلب مني شئ وقلت ان شاء الله سيقول وكما يقال دائما

الجملة التي افاقتني من النوم
:9kisa:

" ما تقوليش ان شاء الله قولي اه ولالا "

اوا كي جاتكم هادي تغيير لايمان طفل اولا ؟؟؟؟؟

اترك السؤال مفتوحا حتى تتناقشن الفكرة

واعود لاقول انا لست داعية
ولا عارفة بامور الدين انا فقط
مصدومة من هول الجملة.






0255.gif
 

اتران

عضوة جديدة
رد: ان شاء الله = الله لا يريد

عليكم السلام ورحمة الله تعالى وبركاته
عند ك صح هدشى وااااقع للاسف تنستعملوها بش نكولو لا او نسوفو الامور
وتنستاهنو بعظمتها والعياذ بالله
الله يجازيك كل خير كلامك كلو صحييييييح
 

فيروز فلسطين

عضوة جديدة
رد: ان شاء الله = الله لا يريد

عليكم السلام ورحمة الله تعالى وبركاته
عند ك صح هدشى وااااقع للاسف تنستعملوها بش نكولو لا او نسوفو الامور
وتنستاهنو بعظمتها والعياذ بالله
الله يجازيك كل خير كلامك كلو صحييييييح

اهلا اختي اتران مرحبا بيك اختي وشكرا ليك على اضافتك الجميلة
التي اغنت الموضوع فالتفاعل ديالك مهم باش الانيقات يعرفوا باهمية
الموضوع وما يقولوش راه غير فضفضة للمبالغة وصافي

:11kisa:

[h=1]لا يمكنك
أن تعطي حياتك
مزيدا من الأيام
لكن يمكنك
أن تعطي
أيامك
مزيدا من الحياة
[/h]
 

اتران

عضوة جديدة
رد: ان شاء الله = الله لا يريد

اهلا اختي اتران مرحبا بيك اختي وشكرا ليك على اضافتك الجميلة
التي اغنت الموضوع فالتفاعل ديالك مهم باش الانيقات يعرفوا باهمية
الموضوع وما يقولوش راه غير فضفضة للمبالغة وصافي

:11kisa:

لا يمكنك
أن تعطي حياتك
مزيدا من الأيام
لكن يمكنك
أن تعطي
أيامك
مزيدا من الحياة
ترحب بيك الجنة لا يااختى واااقع ومعاش بكثرة
الله يجازيك كل خير على موضوعك الرااائع
 

ام جويرية

بصمة رائدة
رد: ان شاء الله = الله لا يريد

وعليكم السلام ورحمة الله
اختي انا الي كا نعرف اننا تنقولو ان شاء الله لاننا عزمين باش نديرو هد الامر وكا تكون النية ولكن الا ما كتابش فهد امر الله سبحانه وتعالى ما عندنا يد فيه وهد الامر تنقولو عن نفسي ما يمكن نقول ان شاء الله لامر الا اذا عزمت عن فعله او اقول لا
وكل واحد ادرى بنفسه يعني ما يمكنش نعمم الامر على الجميع ربما انتي وقعتي في مثل هد الامر او شفتي حالات ولكن ما كنضنش انا الناس كاملين عندهم نفس الفكرة
 

فيروز فلسطين

عضوة جديدة
رد: ان شاء الله = الله لا يريد

وعليكم السلام ورحمة الله
اختي انا الي كا نعرف اننا تنقولو ان شاء الله لاننا عزمين باش نديرو هد الامر وكا تكون النية ولكن الا ما كتابش فهد امر الله سبحانه وتعالى ما عندنا يد فيه وهد الامر تنقولو عن نفسي ما يمكن نقول ان شاء الله لامر الا اذا عزمت عن فعله او اقول لا
وكل واحد ادرى بنفسه يعني ما يمكنش نعمم الامر على الجميع ربما انتي وقعتي في مثل هد الامر او شفتي حالات ولكن ما كنضنش انا الناس كاملين عندهم نفس الفكرة

وعليكم السلام ورحمة الله وبركاته اهلا وسهلا بك اختي ام جويرية
نمودج رائع وايجابي وهذا ما ارمي للوضول اليه من خلال طرحي لموضوعي
هو ان اعطي للكلمة مكانتها الرائعة ومكانتها الصحيحة
بارك الله فيك على تدخلك الرائع
وشكرا لك انك ادليتي برايك في الموضوع احلى تقييم

:11kisa:

[h=1]إذا خانك الشخص
مرّة فهذا ذنبه،
أما إذا خانك
مرتين
فهذا ذنبك أنت
[/h]
 

أعشق بيتي

بصمة رائدة
رد: ان شاء الله = الله لا يريد

كلامك صحيح أختي العزيزة و شكرا على هاد الموضوع الرائع .. الصراحة للأمر وقع كبير خصوصا على الأطفال لأنهم كايحظيو معانا الصغيرة قبل لكبيرة و كيف بنا ملي كاتكون الحاجا منعلقى بالدين ديالنا خاصنا نكونو قدوة ليهم
 

omojannat

عضوة جديدة
رد: ان شاء الله = الله لا يريد

السلام عليكم ورحمة الله تعالى ويركاته
جزاك الله خيرا على الموضوع .الحمد لله أنا تنقولها إلى كنت باغا ندير الحاجة وإلا تنقول لا .وتنعلم بناتي المعنى ديالها مثلا تتقول ليا بنتي غنخرجو تنقول ليها إن شاء الله حنا باغين نمشيو ولكن إلا بغا الله يوصلنا لدرجة منين تنقوليها إن شاء الله ولات هي تتشرحها ليا ههه تتقول ليا أه أماما غنمشيو ولكن إلى بغا الله بنتي عندها 4 سنين
 

أمينة هديل

عضوة جديدة
رد: ان شاء الله = الله لا يريد

السلام عليكم ورحمة الله وبركاته

صراحة حتى أنا فيا فاش تا نبغي نتفك من وضع أو تفرض عليا شي حاجة ما باغياهاش وتا نصرح بزاف المرات ب "لا ما بغيتش" ولكن الآخر يصر تا نقول وخا إن شاء الله
الله يهدينا ويهدي حتى الآخرين ما كاين لاش يضغطو على انسان ما باغيش يدير واحد الحاجة
 

أمينة هديل

عضوة جديدة
رد: ان شاء الله = الله لا يريد

أضيف أنه كاين لي تا يقولها وتا يبين أنها مستحيل تكون ديك الحاجة وتا يعرف الآخر أنها ما غادية تكون
فاش تا تقولي باستفزاز "اه وخا إن شاء الله" خخخخ
 

ماما مرموشة

مشرفة غائبة ,
رد: ان شاء الله = الله لا يريد

بالفعل يا أختي كلامك صحيح وأحييك على الموضوع ديالك بزاف
وشخصية كنت نعقل ولد ختي ملي كان صغير،فيما تيطلب شي حاجة تتقول لو مو إن شاء الله
باش تسكتو..ومع المدى غي يسمع إن شاء الله،يبدا يبكي ويصر على الطلب ديالو ويغوت
وتيقول " إن شاء الله ،لا ، ماتقوليهاش "
حيت كما أشرتي في القل الباطن ديالو إرتبط جملة "إن شاء الله " بالرفض المحتم للطلب ديالو
 

قلب طيب

مشرفة غائبة ,
رد: ان شاء الله = الله لا يريد

السلام عليكم ورحمة الله تعالى وبركاته
عندك الصح اختي في كل ماقلتيه ويخص هاد الكلمة الواحد مين يقولها يتفائل خير
ويفرح بعكس ماكنعيشوه في الواقع وراه المشكل ماشي غير مع الصغار راه حتى مع لكبار
شلاااااا امور انتي عارفة اجابتها لا او نعم وقرارك وااااخداه وباش تسكتي الاخر تقولي ليه ان شاء الله
تلقاي هاد ان شاء الله تستعمل في الخدمة وبين الازواج وبين الاهل فقط من اجل liquider
وللاسف
 
أعلى