• مرحبا بكن في اناقة مغربية في حلة جديدة وطاقم جديد . ومرحبا بنا عند اهل المغرب الكرام اهل الكرم والجود. يمكن للعضوات القديمات الدخول والمشاركة باسماءهن القديمة فقط يتوجب عليهن طلب كلمة مرور جديدة عبر خاصية استعادة كلمة المرور

انواع البيتزا والفوكاتشا وجميع الشهيوات الايطالية المعمرة

خادمة الفرقان

مشرفة منتدى الاسرة والطفل والمنتدى الايطالي ,

بسم الله والصلاة والسلام على رسول الله وعلى اله وصحبه ومن والاه ، تحية طيبة لجميع الانيقات المغربيات اينما وجدو هاد الموضوع ان شاء الله غادي نخصصوه لوصفات البيتزا والفوكاتشا والكيش ،سترودل و الروستويكا وجميع الشهيوات الايطالية المعمرة ، وان شاء الله اكون الموضوع مرجع لكل اخت مبتدئة او محترفة او هاوية مرحبا بالجميع

نبدة تاريخية عن البيتزا

images


بيتزا Pizza، أكلة تعود أصولها إلى دول شرق البحر الأبيض المتوسط كاليونان وتركيا ومصر حيث كانوا يقومون بإنضاج طبقة من العجين على حجر ساخن ويغطونها بأنواع المكونات المختلفة مثل اللحم والخضروات, ثم أخذها عنهم الجنود الإيطاليين لينقلوها إلى إيطاليا مع إضافة صلصة الطماطم وجبن الموزاريلا ثم نقلها المهاجرون الإيطاليون إلى أمريكا, واقتصر بيعها في البداية على الأحياء الإيطالية في المدن الكبرى في أمريكا,وتعد مدينة نابولي مركز البيتزا الإيطالية. وأصبحت معروفة عالميًا، وتعد البيتزا من الوجبات الرئيسية كما يمكن أن تعد من المقبلات. تتكون البيتزا التقليدية منالعجين والصلصة والطماطم والجبن وأحياناً تحتوي على لحم مفروم.إلا أنه حالياً تم ابتكار أنواع عديدة من البيتزا والتي قد تتضمن:



  • [*=center]الفلفل والبهارات.
    [*=center]الجبنة.
    [*=center]الفطر أو المشروم.
    [*=center]السمك.
    [*=center]الروبيان.
    [*=center]الزيتون والذرة.
    [*=center]الدجاج.
    [*=center]اللحوم: كالضأن والبقر.
    [*=center]الخضروات.
    [*=center]البيض.
    [*=center]الزعتر.
    [*=center]أناناس.
    [*=center]ريحان.
    [*=center]السلطة.


البيتزا الإيطالية


وهي النمط التقليدي من البيتزا والأشهر عالمياً، حيث تتكون من عجينة البيتزا والجبن وصلصة الطماطم وأحياناً اللحم.

220px-Pizza_al_taglio.jpg



تحضير البيتزا


تاريخها

انطلقت البيتزا الإيطالية كوجبة عادية في الاحياء الشعبية تحضرها الامهات لاولادهن بعد عودتهم من المدرسة بعدها قام احدهم بفتح محل لبيع البيتزا ومن هناك انتشرت هذه الوجبة عبر كل مدن إيطاليا من خلال المطاعم المتخصصة فيها إلى ان وصلت إلى الدول المجاورة ثم العالمية

البيتزا اليونانية


وتتميز باختلاف محتوياتها نسبياً عن البيتزا الإيطالية، حيث أنها تتكون من جبن فيتا (جبنة يونانية) (موزاريلا وغيرها (تتكون من اللحم المطهو بطريقة معينة شبيهة بالشاورما مع الخضروات وتصنع عادة من لحم الدجاج أو البقر) والسبانخ والزيتون.

البيتزا الأمريكية


انتقلت البيتزا مع هجرة عدد كبير من الإيطاليين واليونانيين لقارة أمريكا، إلا أنهم قاموا بتطوير البيتزا بطريقة مختلفة عن البيتزا التقليدية، وخصوصاً من ناحية حجم الأطراف، وبعض المكونات.

 
التعديل الأخير بواسطة المشرف:

فيروز فلسطين

عضوة جديدة
رد: انواع البيتزا والفوكاتشا وجميع الشهيوات الايطالية المعمرة

ماهي البيتـــــزا ؟

بيتزا Pizza, أكلة إيطالية الأصل تعود أصولها إلى
مدينة نابولي الإيطالية, وتعد البيتزا من الوجبات
الرئيسية كما يمكن أن
تعد منالمقبلات. تتكون البيتزا التقليدية
من العجين والصلصة والطماطم والجبن وأحيانا تحتوي
على لحم مفروم . إلا أنه حاليا تم ابتكار أنواع عديدة
من البيتزا والتي قد تتضمن :

الفلفل والبهارات
الفطر أو المشروم.
السمك.الروبيان.الزيتون والذرة.اللحوم : كالضأن والبقرالخضرواتالبيض .الزعتر.

البيتزا الإيطاليـــة

وهي النمط التقليدي من البيتزا والأشهر عالميا حيث تتكون من عجينة
البيتزاوالجبن وصلصةالطماطم وأحياناًاللحم.

800px-Supreme_pizza.jpg


البيتزا اليونانــــية

وتتميز باختلاف محتوياتها نسبيا عن البيتزا الإيطالية، حيث أنها تتكون
من جبن فيتا (جبنة يونانية) (مودزاريلا وغير) و تتكون من اللحم المطهو
بطريقة معينة شبيهة بالشاورما معالخضروات وتصنع عادة من
لحم الدجاج أوالبقر والسبانخ والزيتون.


Shrimp_pizza_with_pesto_and_pinenuts_pdphoto.org.jpg


البيتزا الأمريكــــية

حيث انتقلت البيتزا مع هجرة عدد كبير من الإيطاليين واليونانيين لقارة
أمريكا، إلا أنهم قاموا بتطوير البيتزا بطريقة مختلفة عن البيتزا
التقليدية، وخصوصاً من ناحية حجم الأطراف، وبعض المكونات.

800px-Pizza_im_Pizzaofen_von_Maurizio.jpg




البيتزا الليــــبية


قامت إيطاليا باستعمارليبيا في زمن الاستعمار، وعاش الكثير من
الإيطاليين في ليبيا، وانتقلت منهم البيتزا إلى الليبيين، وقاموا بتغيير
مكوناتها وإضافة نكهات عربية إلى البيتزا.

:emoti (2785):

عيب
الإنسان
الأكبر
هو إنكاره
عيوبه
ودفاعه
المستميت
عنها
 

خادمة الفرقان

مشرفة منتدى الاسرة والطفل والمنتدى الايطالي ,
رد: انواع البيتزا والفوكاتشا وجميع الشهيوات الايطالية المعمرة

هههههه انا واياك افيروز فلسطين بقينا نعرفو بالبيتزا الايطالية وهي غنية عن التعريف هههه كولشي تاياكلها وكولشي تايعرف اصاوبها جري عليا وقولي لي نوضي كفضي على دريعاتك ورينا حنت يديك وباركة من البلا بلا ههههه راني عاد صاوبتها اليوم وصورتهاوضربتها بواااااحد الزلقة فاعلة تاركة حتى لغدا ان شاء الله نزلها ليكم
 

خادمة الفرقان

مشرفة منتدى الاسرة والطفل والمنتدى الايطالي ,
رد: انواع البيتزا والفوكاتشا وجميع الشهيوات الايطالية المعمرة

0010.gif

تبارك الله عليكم الحادكات الله يعطيكم الصحة شفتكم كتهضرو على البيتزا جبتها ليكم كنت حاطيتها هادي بضع سنوات مضت
وإن شاء الله نشارك معاكم في أسبوع البيتزا

0003.gif

http://www.anaqamaghribia.com/vb/sho...d.php?t=325279

أخواتي الغاليات أتمنى تكونو في أحسن الأحوال . اليوم جبت ليكم طريقة البيتزا الفردية اللي تحضر في وقت مختصر والحشو حسب رغبة كل فرد في الأسرة نخليكم مع المقادير و الطريقة
لخمسة أفراد :نصف كيلو فورص _ ملعقة صغيرة زعتر _ ملعقة صغيرة سكر _ ملعقة صغيرة ملح _ 2معالق كبار زيت الزيتون _ ملعقة كبيرة خميرة الخبز _ ورشة خفيفة ثوم جاف _ ماء دافئ للعجن .
نعجن العناصر مع بعضها مزيان ونخليها تخمر من بعد نقسم العجين 5كويرات يعني 100غ لكل بيتزا وهكذا باش تجي رقيقة ملي ترتاح نبدا أول حاجة نشعل الفرن يسخن وفوق النار نديرمقلة تسخن ونكرص بالمدلك مزيان كويرة العجين ونحطها في المقلة وغير تتسهظ نقلبها في المقلة وغير تتسهظ نعاود نقلبها ودائما في المقلة وندهنها بصوص مطيشة اللي طيبتو مع نصف ملعقة ثوم جاف وملعقة زعتر وقبصة ملح وسكر وندهن البيتزا وندير الحشو ونرش بالمدزريلا ونرش الزعتر وندوز خويط زيت الزيتون غيرنحس بيها كملت طيابها من التحت ندخلها للفرن حتى تطيب من الفوق أو بالأحرى يدوب الجبن ملي دخل وحدة للفرن نديرالأخرى في المقلة غير توقف نقلبها توقف نعاود نقلبها الوقت اللي نعمرها تكون طابت من التحت نزول الأولى من الفرن وندخل الأخرى وهكذاحتى نكمل
في الحشو درت الدنجال والكورجيت مشويين والبصل مشحر بزيت الزيتون والأنشوبة والطون والزيتون الأسود وكدلك السبانخ خويت عليهم الماء طايب وصفيتو وشحرتو في زيت الزيتون وقبصة ملح ورشة ثوم جاف المهم أنا درت خاطر وليداتي كل مرة واش يبغيو وأنتم ليكم الإختيار الحشو حسب رغبة العائلة
























بالصحةوالراحة ويارب تعجبكم أخواتي
0008.gif

 

خادمة الفرقان

مشرفة منتدى الاسرة والطفل والمنتدى الايطالي ,
رد: انواع البيتزا والفوكاتشا وجميع الشهيوات الايطالية المعمرة

بسم الله الرحمن الرحيم و السلام عليكم ورحمة الله وبركاته

http://www.anaqamaghribia.com/vb/sho...d.php?t=314795

بتاريخ 2013.02.20

البنات بغيتكم تجربو هاد البيتزا رها ساااهلة ولديدة وبسطيةنخليكم مع المقادير والصور
مقادير العجين : كيلو دقيق وخميرة الخبز _ ملعقة كبيرة زعتر محكوك _ ملح _شوية إبزار _ 2 ملاعق كبار زيت الزيتون _ شوية سكر ونعجنها بالماء وتكون مطلوقة شوية ونخليها ترتاح من بعد قسمتها على 3 . نخليها ترتاح ونسرحها في الاطة






مقادير حشو البتزا الأولى :البصلة خضارية والقرعة الخضراء محكوكةوالزعتر والمدزريلا
قليل من الإبزار والملح و 2 ملاعق كبار زيت الزيتون نخلط الكل ونسرحو فوق البيتزا وندوز عليها خويط زيت الزيتون وندخلها للفرن










حشو البيتزا الثانية:

علبة طون نصف بصلة شرائح _ مدزريلا _ زعتر _ صلصة طماطم بدون طهي _شوية ملح وإبزار _قليل من زيت الزيتون
نخلط صلصة مع شوية ملح وابزار ونسرحها فوق البيتزا ونخلط باقي العناصر مع بعضها نوضعها فوق الصلصة ونزين بالزيتون أسود وندوز خيط خفيف زيت الزيتون وندخلها للفرن.





حشو البيتزا 3:بصلة مشلضة وندير عليها زيت الزيتون ونحطها فوق البوطة تدبال ونزيد عليها صلصة طماطم وملعقة كبيرة زعتر والإبزار والملح ونخليه فوق النار شي 10 دقائق ونخليه يبرد ونسرحو فوق العجين ونديرمن الفوق الأنشوبة والزيتون أخضر والفرماج محكوك ونرش من الفوق شوية زيت الزيتون
ودائما كندير الحشو فوق العجينة خضرا


















بالصحة والراحة ويارب يعجبوكم ودعيو معاي وأي سؤال مرحبا



 

خادمة الفرقان

مشرفة منتدى الاسرة والطفل والمنتدى الايطالي ,
رد: انواع البيتزا والفوكاتشا وجميع الشهيوات الايطالية المعمرة

بيتزا بعجين البطاطس




بتاريخ 2013.04.16

0012.gif

http://www.anaqamaghribia.com/vb/sho...d.php?t=328238

0004.gif

أخواتي الأنيقات جبت ليكم اليوم بيتزا لذيدة ومغايرة للبتزاالمعتادة نخليكم مع المقادير : لزوج بيتزات نحتاج 2كيلو بطاطا سلقتها في الماء والملح و قشرتها وطحنتها _ 3 بيضات _ كأس جبن محكوك _ملعقة كبيرة زيت الزيتون _ ملعقة صغيرة زعتر _ رشة خفيفة ثوم جاف نصف ملعقة صغيرة ملح .
الطريقة : نخلط بطاطا مع جميع العناصر اللي دكرت نقسم العجين على 2 ونبسط كل كرصة في لاطة مغلفة بورق الفرن و نعمرها باش مابغيت وبكل أنواع حشو البيتزا المفظلة لديكم . أنا دهنت الأولى بقليل من زيت الزيتون ودرت فوقها المدزريلا و شرائح صدر الدجاج بعدما شحرتو في مقلاة بشوية زيت الزيتون وقليل من الملح والإبزار ورشة خفيفة ثوم جاف ودوزت فوقها قليل من زيت الزيتون والزعتر .والثانية عمرتها بصلصة الطماطم والمدزريلا وقليل من زيت الزيتون والزعتر

















0005.gif



 

خادمة الفرقان

مشرفة منتدى الاسرة والطفل والمنتدى الايطالي ,
رد: انواع البيتزا والفوكاتشا وجميع الشهيوات الايطالية المعمرة

السلام عليكم هادي واحد الشهيوة معمرة كنت شاركت بها فدورة العضوات الثالتة
خبيزة معمرة هشيشة ومقرمشة

السلام عليكم أخواتي ، ليوم درت هاد لخبزة جات غزالة ، نهار كنتلف أشندير تندير شي حاجة من راسي ونهني الوقت ههههه ، العجينة ديال هاد لخبزة إيطالية ، تيعمروها بالسبانخ ،ريكوتا مدزرلا ... ، لكن أنا تنعمرها ديماً بحشوات مغربية مرة بطون مرة بدجاج مرة بكفتة ... تقدرو تفننو فيها كيفما بغيتو ندوزو للطريقة.


مقادير العجينة الايطالية



المقادير سهلة وبسيطة غدي نحتاجو فقط الى جبانية عامرة ديال الفورص .كاس حليب بارد ، 40 غرام زبدة ، الملح.

[

/غادي نبسبسو زبدة وطحين ولملح مزيان حتى يترملو عاد نزيد لحليب نخلط نغطيها بلاستيك غيداي ندخلها لثلاجة ترتاح بما صوبت الحشوة ديالي

]

الحشوة



غادي نحتاجو لها بصلة فلفلة ألوان إلى متوفرة ثوم صاين فطر طري حتى هو إلى كان تقدري دري غير بصلة وفلفلة نشلض كولشي


نشحر كولشي فزيت مع شوية ملح وبزار


ملي يتشحر كولشي زدت شوي خيزو مسلوق .على حساب دراري صغار .
من بعد نزيد الكفتة نخليها تشحر حتى هي


وفي الأخير زدت شوية زيتون أخضر و- فيرميسل مسلوقة ومقطعة

من بعد نجبد لعجين ديلي من ثلاجة نقسمها على 2 نبسطها بمدلك نغرس وحدة فالمول من لتحت ندير الحشوة كاملة ثم فرماج ساندوتش ونعود نغلق الخبزة بنصف ثاني من العجين وندخلها للفرن .

هاهي كيف جات لا بات رقيقة هشيشة بحال تقريباً العجين المورق هاهي عن قرب
[URL =http://www.anaqamaghribia.com/pic/]
fn1kayj7f4uh91q7tst.jpg




بالصحة والراحة







 

فيروز فلسطين

عضوة جديدة
رد: انواع البيتزا والفوكاتشا وجميع الشهيوات الايطالية المعمرة

هههههه انا واياك افيروز فلسطين بقينا نعرفو بالبيتزا الايطالية وهي غنية عن التعريف هههه كولشي تاياكلها وكولشي تايعرف اصاوبها جري عليا وقولي لي نوضي كفضي على دريعاتك ورينا حنت يديك وباركة من البلا بلا ههههه راني عاد صاوبتها اليوم وصورتهاوضربتها بواااااحد الزلقة فاعلة تاركة حتى لغدا ان شاء الله نزلها ليكم

هههههه ماشي مشكل حتى الى درنا شي حاجة نديروها كاملة مكمولة
نبداوا بالتعريف زمن بعد ندوزوا للتكفاض ههههه
ان شاء الله ربي يبارك لينا في وقتنا ونقدموا شي حاجة اللي نستافدوا منها
ونفيدوا بعضياتنا
منتظراك الزين وحاولي على راسك الحمد لله اللي خرجات ليك طريفة
ياك ما وقعليك والو بعدا احبيبتي


اختي ام البنين ما شاء الله اعليك كلشي عندك اغزال ومتول
الله يعطيك الصحة

:manga7:

إذا كنتَ في أمرٍ
فكنْ فيه مُحْسناً

فعما
قليلٍ
أنتَ ماضٍ
وتاركُهْ


فكم دَحَّتِ
الأيامُ
أربابَ دولةٍ

وقد ملكَتْ
أضعافَ
ما أنتَ مالكهُ
 

أميمة هبة

مشرفة منتدى الطورطات و الحلويات ,
رد: انواع البيتزا والفوكاتشا وجميع الشهيوات الايطالية المعمرة

تبارك الله عليك أختي بيتزات كيشهيوا الله يعطيك الصحة
 
رد: انواع البيتزا والفوكاتشا وجميع الشهيوات الايطالية المعمرة

السلام عليكم انقدم ليكم اليوم وصفتي نتمنا تنال اعجابكم
فوكاتشا و ميني بيتزا بالبوري ديال البطاطا
المقادير
600gطحين
4معالق كبار بوري ديال البطاطا
4معالق كبار زيت بلديا
خميرة الخبز على حسب الجو
ملح
التزيين بالنسبة لميني بيتزا
صلصة درت فيها ماطيشة و شوية الملح و سكينجبير و خرقوم البلدي و اوريكانو و يمكن ديري بدلو زعتر
فرماج محكوك و زعتر و زيتو او ديروو الحشوة لي تعجبكم
الفوكاتشا ماطيشة صغيرة و زيتون و الزيت البلديا و ازير و الزعتر و االملح و الما
الطريقة
كنخلط المقادير ديال العجين وندلكها مزيان خاصها متكونش مرخوفة نقدر نتحكم فيها و الزيت كنضيفو فالاخير و نقصم العجينة على جوج واحد للبيتزا و التاني كنزيد ندلكو و نزيد الما كيكون مرخوف كتر من ديال البيتزا و نخليوها تخمر انا خليتها ساعة نبدا نطلق عجينة البيتزا و نطبعهم و نتقبهم بالفرشيط و ندير لاصوص و الزيتون و الفرماج و ندير الزعتر و شوية الزيت البلديا من الفوق و ندخلهم الفران
الفوكاتشا نطلقها فطاوا مدهونة بالزيت البلديا و نطقها مزيان و عاد ندخل صباعي فيها منبعد نخليها تخمر من جديد شي نص ساعة و نعاود نظغط عليها بالصابع و ندير الزيتون و ماطيشة و زعترو ازير وندير الزيت بملعقة شي اربع معالق كبار منكتروش و فالاخير و سر الرطوبة ديالها لي هو الما و الملح كنرش القليل من الملح فوقها كاملة و نوزع عليها اربع معالق كبار ما كيخليها تجي رطبة والى كنت غادي ديروها غير بالزيتون او الاعشاب فكديرو الما فيه الملحة و دوبوها عاد ترشوه وندخلوها للفرن وبالصحة و الراحة نتمنا تعجبكم و تجربوها

 

خادمة الفرقان

مشرفة منتدى الاسرة والطفل والمنتدى الايطالي ,
رد: انواع البيتزا والفوكاتشا وجميع الشهيوات الايطالية المعمرة

هههههه ماشي مشكل حتى الى درنا شي حاجة نديروها كاملة مكمولة
نبداوا بالتعريف زمن بعد ندوزوا للتكفاض ههههه
ان شاء الله ربي يبارك لينا في وقتنا ونقدموا شي حاجة اللي نستافدوا منها
ونفيدوا بعضياتنا
منتظراك الزين وحاولي على راسك الحمد لله اللي خرجات ليك طريفة
ياك ما وقعليك والو بعدا احبيبتي


اختي ام البنين ما شاء الله اعليك كلشي عندك اغزال ومتول
الله يعطيك الصحة

:manga7:

إذا كنتَ في أمرٍ
فكنْ فيه مُحْسناً

فعما
قليلٍ
أنتَ ماضٍ
وتاركُهْ


فكم دَحَّتِ
الأيامُ
أربابَ دولةٍ

وقد ملكَتْ
أضعافَ
ما أنتَ مالكهُ
ربي يسلمك حبيبتي الحمد لله خرجات سالمة كنت هازة كاس وزلقت وتهرسلي فيدي مجروحة شوية واكلة العصى فضهري هههه اوى الحمد لله على لطف الله
 

خادمة الفرقان

مشرفة منتدى الاسرة والطفل والمنتدى الايطالي ,
رد: انواع البيتزا والفوكاتشا وجميع الشهيوات الايطالية المعمرة

تبارك الله عليك أختي بيتزات كيشهيوا الله يعطيك الصحة
الله يبارك فيك حبيبة هادو بيتزات تاع الاخت ام البنين مشكورة اما انا صورت وباقي منزلت وااااالو ههه
 

خادمة الفرقان

مشرفة منتدى الاسرة والطفل والمنتدى الايطالي ,
رد: انواع البيتزا والفوكاتشا وجميع الشهيوات الايطالية المعمرة

السلام عليكم انقدم ليكم اليوم وصفتي نتمنا تنال اعجابكم
فوكاتشا و ميني بيتزا بالبوري ديال البطاطا
المقادير
600gطحين
4معالق كبار بوري ديال البطاطا
4معالق كبار زيت بلديا
خميرة الخبز على حسب الجو
ملح
التزيين بالنسبة لميني بيتزا
صلصة درت فيها ماطيشة و شوية الملح و سكينجبير و خرقوم البلدي و اوريكانو و يمكن ديري بدلو زعتر
فرماج محكوك و زعتر و زيتو او ديروو الحشوة لي تعجبكم
الفوكاتشا ماطيشة صغيرة و زيتون و الزيت البلديا و ازير و الزعتر و االملح و الما
الطريقة
كنخلط المقادير ديال العجين وندلكها مزيان خاصها متكونش مرخوفة نقدر نتحكم فيها و الزيت كنضيفو فالاخير و نقصم العجينة على جوج واحد للبيتزا و التاني كنزيد ندلكو و نزيد الما كيكون مرخوف كتر من ديال البيتزا و نخليوها تخمر انا خليتها ساعة نبدا نطلق عجينة البيتزا و نطبعهم و نتقبهم بالفرشيط و ندير لاصوص و الزيتون و الفرماج و ندير الزعتر و شوية الزيت البلديا من الفوق و ندخلهم الفران
الفوكاتشا نطلقها فطاوا مدهونة بالزيت البلديا و نطقها مزيان و عاد ندخل صباعي فيها منبعد نخليها تخمر من جديد شي نص ساعة و نعاود نظغط عليها بالصابع و ندير الزيتون و ماطيشة و زعترو ازير وندير الزيت بملعقة شي اربع معالق كبار منكتروش و فالاخير و سر الرطوبة ديالها لي هو الما و الملح كنرش القليل من الملح فوقها كاملة و نوزع عليها اربع معالق كبار ما كيخليها تجي رطبة والى كنت غادي ديروها غير بالزيتون او الاعشاب فكديرو الما فيه الملحة و دوبوها عاد ترشوه وندخلوها للفرن وبالصحة و الراحة نتمنا تعجبكم و تجربوها

تبارك الله على لالة مريم شهيوات غزالين عجباتني الفوكاتشا ديالك بصحتك
 

أم البنين3

مشرفة قسم الخياطة والتطريز ,
رد: انواع البيتزا والفوكاتشا وجميع الشهيوات الايطالية المعمرة

الحمد لله على سلامتك حبيبتي وقعات لي هاد العام وبرة ههه جمعت النوضة ومتلفتش ههههههه
ربي يسلمك حبيبتي الحمد لله خرجات سالمة كنت هازة كاس وزلقت وتهرسلي فيدي مجروحة شوية واكلة العصى فضهري هههه اوى الحمد لله على لطف الله
 

أم البنين3

مشرفة قسم الخياطة والتطريز ,
رد: انواع البيتزا والفوكاتشا وجميع الشهيوات الايطالية المعمرة

تبارك الله عليكم البنات شهيواتكم فنننننة الله يعطيكم الصحة
أختي خادمة الفرقان من الأحسن نقي الموضوع من الردود وخليه غير للوصفات وفتحي موضوع آخر لنقاش الوصفات هذا رأي حبيبتي ولك طبعا القرار
 
رد: انواع البيتزا والفوكاتشا وجميع الشهيوات الايطالية المعمرة

عرفتي ام البنين حتا انا كنت بغيت نقولها و الله هكا يسهال التصفح بحال ديال الباسطا
 

رضوي رضوي80

عضوة جديدة
رد: انواع البيتزا والفوكاتشا وجميع الشهيوات الايطالية المعمرة

تبارك الله عليكم البنات شهيواتكم فنننننة الله يعطيكم الصحة
أختي خادمة الفرقان من الأحسن نقي الموضوع من الردود وخليه غير للوصفات وفتحي موضوع آخر لنقاش الوصفات هذا رأي حبيبتي ولك طبعا القرار
موضعك جميل ياصحبت الموضع _اختي ام البنين
ازيك ياحببتي وازي ابنك ياريت يكون بخير ربنا يشفي ليكي يارب مش نسيكم بدعاء دعوتك لااختي سيدة
 

خادمة الفرقان

مشرفة منتدى الاسرة والطفل والمنتدى الايطالي ,
رد: انواع البيتزا والفوكاتشا وجميع الشهيوات الايطالية المعمرة

الله يعطيك الصحة و ميكون عندك باس حبيبتي الله يشافيك و يعافيك
اللهم امين الله يسلمك وينجيك وليت شوية دابة اسقسي فيك الخير
 

خادمة الفرقان

مشرفة منتدى الاسرة والطفل والمنتدى الايطالي ,
رد: انواع البيتزا والفوكاتشا وجميع الشهيوات الايطالية المعمرة

تبارك الله عليكم البنات شهيواتكم فنننننة الله يعطيكم الصحة
أختي خادمة الفرقان من الأحسن نقي الموضوع من الردود وخليه غير للوصفات وفتحي موضوع آخر لنقاش الوصفات هذا رأي حبيبتي ولك طبعا القرار
اكيد حبيبتي دابة نمشي نعزل الوصفات فموضوع خاص ونخليو هادا فيه الردود وحتى الوصفات هههه حتى نتوما رئيكم تيهمني وتيعجبني الحال منين تاتشاركوني افكاركم وحتى انتقاداتكم تسناوني غير نكمل واحد الموضوع انا عادبديتو خاصني نزلو باش مايتمسحليش كولشي
 
أعلى