• مرحبا بكن في اناقة مغربية في حلة جديدة وطاقم جديد . ومرحبا بنا عند اهل المغرب الكرام اهل الكرم والجود. يمكن للعضوات القديمات الدخول والمشاركة باسماءهن القديمة فقط يتوجب عليهن طلب كلمة مرور جديدة عبر خاصية استعادة كلمة المرور

الحادكات عدت من جديد ههههه

أم زياد 1

عضوة جديدة
السلام عليكم البنات عافاكم بغيت شي حشوات متكونش تقليدية بغيت شي حاجة جديدة وتكون مغايرة نعمر بيها رغيفات فالفرن غنصيفت فطور لشي ناس،عافاكم اما وقفو معي،الخشوات ديال الشعرية الصينية مع الحوت،او الكفتة مع الجزر والكرعة محكوكين،او اللحم مع البصلة هادشي كولو مبغيتوش بغيت الجديد هههههه
 

أخت لطيفة

عضوة متميزة
خودي نصف دجاجة شرمليها تشرميلة ديال الحوت معلقة صغيرة عامرة كمون وشوية تحميرة ولب حامضة واضيفي ربع كاس صوجا الثوم وهريسة وخليها تبات تترقد وطيبيها في كوكوط مع نصف كاس ماء وبصلة مشلظة وزيت العود والنار مهيلة بزاف حتى طيب وحيديها وفرتتيها وداك الماء لي طلقاتو خودي 2 بصلات متوسطين شلظيهم وطيبيهم فيه حتى تتعلك البصلة وتطلع الزيت الفوق
رقدي الفرميسيل في ماء بارد
وقطعي بواط شومبنيون في مقلة وشحري واضيفي قشرة حامضة مرقدة و زلافة صغيرة زيتون واضيفي حفنة مهمة من المعدنوس عليهم الشعرية وشحريهم وتبليهم بنصف معلقة كل من الهريية وكمون والتحميرة
​​​
ملي تتعجني الرغايف حطي طبقات دجاج التحت فوقو البصلة ومن فوق خليط الشعرية ومن فوق الفرماج وجمعي الجوانب الشكل لي تفظلي ملي يطيبو حكي الفرماج على الوجه وزيني بالحامض
نتمنى يكون وصلاتك الفكرة
 

أم زياد 1

عضوة جديدة
وصلاااات وتمخمخات ههههه الله اكرمك الشاف ديالنا،مكرهتش شي حشوة تانية مختلفة فالمداق،الصراحة كيعجبني البيض فالحشوات ومعنديش فكرة كيف غنوظفو
 

oumimane

عضوة جديدة
ملي بغيتي البيض لقيت لك وصفة و لكن باقي ماجربتها. كطيبي البصلةفالزيت مع ملح و ابزار و تزيدي البيض و تبداي تسرحي المسمن و تديري الحشوة و فرماج سندويش من الفوق و جمعي المسمنة و ديري وحدة و سط وحدة. كنت جربت الوصفة ديال البيض فالبريوات عجباتني. كندير نص بصلة مشلظة تشحر مع فصين ثوم صغار محكوكين نزيد عليها 4 فرماجات متلتين ملح و ابزار و نزيد 4البيضات و صوص صوجا. الملح تكون ناقصة حيت الفرماج و الصوص مالحين. صافي ملي تطيب مزيان و تنشف من الما كنعمر الورقة.
 

أم زياد 1

عضوة جديدة
اه تقريبا بحال الوصفة ديال الشاف لطيفة غي هي زادت الزعتر،حطيتها فالمينيو ههههه وباق تنقلب عالله نلقى شي حشوة تانية
 

أخت لطيفة

عضوة متميزة
رغايف الفران كندير البصلة مشلظة رقيقة بلا قليان ونحك فيها 2 خيزوات و2 بيضات مصلوقين والتوابل وكندير الحشوة خضرة بلا ما طيب
بالنسبة لغيفات عاديين شحري البصلة وزيدي البيض وحركي وقطعي فيه لاداند فيمي والربيع ومعلقة كبيرة مطيشا الحك وملح وابزار والتوابل لي كتبغي
هاد الحشوة الا بغيتي تعمري بها حتى بريوات كتصلح وممكن تزيدي فيها اضافات اخرى
 
أعلى