• مرحبا بكن في اناقة مغربية في حلة جديدة وطاقم جديد . ومرحبا بنا عند اهل المغرب الكرام اهل الكرم والجود. يمكن للعضوات القديمات الدخول والمشاركة باسماءهن القديمة فقط يتوجب عليهن طلب كلمة مرور جديدة عبر خاصية استعادة كلمة المرور

الحادكات بغيتها دابا ضروري

أم زياد 1

عضوة جديدة
السلام عليكم البنات صاوبت اليوم الشباكية درت غا نص كيلو ودرت ليها كاس عنبة مخلطة زيت وزبدة وجمعتها بربع كاس ما والباق ماء ي نازهر ولكن جاتني العجينة مفتولة عيت مندلك فيها والو ملي تنطلقها كتقطع معرفتش مناش تاني مرة كنديرها ونفس المشكلة،وانا بغيت نصيفتها لشي ناس عافاكم خاصني مازال نصاوب كيلو والصراحة محناتني كتقطع بغيت نحط صورة العجين معرفتش
 

محبة التغيير

عضوة جديدة
السلام عليكم اختي

يمكن كترتي فيها الزييت

جربي ضيفي ليها شوية دالماء والدقيق وخدمييها

ولا زيديها شوية ماء زهر و دلكيها في بلاصة مرشوشة بالدقيق وطويها و عاودي دلكي و طويها و دلكي

الله يسر لييك
 

أخت لطيفة

عضوة متميزة
يمكن قصحتيها بزاف وراها تتفرتت لك ياك ما سخنتي الماء؟
على حسب الدسم لي عندك كان عليك ديري 600 غ دقيق
 

أم زياد 1

عضوة جديدة
لا الما غا دفيتو وجمعتها بالما الزهر هو الي غلبتو على الما،كنظن ما الزهر كيفرتت العجين انا قلت هاد المرة نغلب الما على ما الزهر،وفعلا انا كندير غا نص كيلو مع كاس عنبة لوز وزنجلان،وبغيت نسولكم انا متنديرش خميرة معجونة واش ميوقع ليها والو الا قليتها فالبلاصة بلا متبات تنشف،حيت انا مع الوليدات والمشاغل كنعجن غا نص كيلو فكل مرة يعني الوقت الي نسالي داك نص كيلو فالتشباك ندوز نقلي مغيوقع ليها والو؟الله يكرمكم جاوبوني اليوم غنبدد فيها مع الصباح
 

أخت لطيفة

عضوة متميزة
لا الما غا دفيتو وجمعتها بالما الزهر هو الي غلبتو على الما،كنظن ما الزهر كيفرتت العجين انا قلت هاد المرة نغلب الما على ما الزهر،وفعلا انا كندير غا نص كيلو مع كاس عنبة لوز وزنجلان،وبغيت نسولكم انا متنديرش خميرة معجونة واش ميوقع ليها والو الا قليتها فالبلاصة بلا متبات تنشف،حيت انا مع الوليدات والمشاغل كنعجن غا نص كيلو فكل مرة يعني الوقت الي نسالي داك نص كيلو فالتشباك ندوز نقلي مغيوقع ليها والو؟الله يكرمكم جاوبوني اليوم غنبدد فيها مع الصباح

ماء زهر ما يفرتتهاش ومجربة جامعها بماء زهر بوحد ومتفرتتش الا بقات هكاك زبدي فيها الظقيق والماء وعاودي دلكيها
بالنسبة للقليان ميوقع لها والو غي الفورما يقدر تتعوج حاولي تحطيها في الزيت غي بشوية او بقاي هزاها شوية بالمصفات حتى تشد الفورما وحطيها وراها الا خليتيها غي ساعة تقدر تنشف ليك
 
أعلى