• مرحبا بكن في اناقة مغربية في حلة جديدة وطاقم جديد . ومرحبا بنا عند اهل المغرب الكرام اهل الكرم والجود. يمكن للعضوات القديمات الدخول والمشاركة باسماءهن القديمة فقط يتوجب عليهن طلب كلمة مرور جديدة عبر خاصية استعادة كلمة المرور

التصويت على أحسن طبق باسطا بالكريمة واطباق غير مصنفة

الحالة
مغلق و غير مفتوح للمزيد من الردود.

خادمة الفرقان

مشرفة منتدى الاسرة والطفل والمنتدى الايطالي ,
145746819880762.gif



الاسبوع الثاني : اطباق الباسطا بالكريمة واطباق اخرى غير مصنفة


السلام عليكم اخواتي ،مرحبا بجميع المشاركات في هاد المسابقة ، ان شاء الله تنال اعجابكم ومستوى تطلعاتك ،هادي هي الصفحة الخاصة باطباق الاسبوع الثاني وهنا فين تقدرو تنزلو جميع اطباقك الباسطا لي اساسها الصلصة البيضاء اوالكريمة وايضا يمكن ليكم تشاركو بجميع الوصفات لي فيهم الباسطا كسلطة اوحساء او اي صنف اخر من اختياركم بالطبع

145746819930046.gif

الدعوة مفتوحة للجميع واخة ماتكونيش مغتربة ايطالية مرحبا بيك وبمشاركتك
يالله على بركة الله نبداو
المسابقة هي كالتالي:
(المشاركة بطبق باسطا من اختيارك )

145746819893363.gif


-على كل انيقة تود المشاركة الالتزام بهاد الشروط :
-1:يجب ان يكون الطبق جديد لم يطرح من قبل في المنتدى
-2:ان يكون طبق اقتصادي غير مكلف وفي متناول الجميع
-3: ان يكون الطبق مرفوق بالصور والمراحل ومقدم بطريقة جميلة

145746819930046.gif


المسابقة غادي تدوم مدة شهر كامل وغادي نخصصو كل اسبوع لنوع محدد من الباسطا
الاسبوع الاول :
خاص جميع اطباق الباسطا لي اساسها صلصة الطماطم
السبوع الثاني :
خاص بجميع اطباق الباسطا لي اساسها الكريمة
الاسبوع الثالت:
خاص بجميع اطباق الباسطا لي تدخل للفرن
الاسبوع الرابع:
غادي نخصصوه للتصويت على افضل طبق لكل مجموعة

145746819909534.gif


كيف كل مسابقة غاديين يكونو جوائز لهذ المسابقة بحيث غاديين يكونو عندنا 3 فائزات بالمراتب الاولى مع نقاط اضافة بمعدل :
10.000 نقطةللفائزة الاولى
8000 نقطة للفائزة الثانية
و 4000 نقطة للفائزة الثالثة
وايضا وسام ومشاركة للبقية


ليبغات تشارك في المسابقة خاصها توضع هذ الشعار في توقيعها هكذا تبانو ليا مزيان هههه

14574684113811.gif

رابط موضوع الدردشة


http://www.anaqamaghribia.com/vb/showthread.php?t=452665&p=12187698&viewfull=1#post 12187698


145746819917585.gif


 

خادمة الفرقان

مشرفة منتدى الاسرة والطفل والمنتدى الايطالي ,
رد: مسابقة احسن طبق باسطا (اطباق الاسبوع الثاني: الباسطا بالكريمة واطباق غير مصنفة )

رد: مسابقة احسن طبق باسطا (اطباق الاسبوع الثاني: الباسطا بالكريمة واطباق غير مصنفة )

145746819880762.gif


السلااااااام عليكم ورحمة الله تعالى وبركاته ، تبارك الله علي الحادكات مزاااال مستمرة المسابقة ديالنا دوزنا الاسبوع الاول مع الباسطا باصلصة الطماطم والحمد لله الانيقات ما شاء الله عليهم تفننو وبدعو وقدمو لينا اطباق مميزة ،تحية كبيرة لهم جميع، والان فهاد الاسبوع غادي نخصصوه لجميع الاطباق ليفيهم البانا او الكريمة او الصلصة البيضاء الاتسميات مختلفة ههه، ويمكن ليكم توجدو وتشاركو معانا باطباق اخرى من اختياركم وماشي شرط تكون فيها الكريمة ممكن تكون سلطة بالباسطا او صوبا او طبق جانبي ... من اختيارك انيقتي
وهادي اول مشاركة ليا فالاطباق الاسبوع الثاني

الباسطا بالسبانخ والثومة والكريمة
هاد الوصفة بنييينة بزاف واخة المكونات بساط واقتصادين لكن النتيجة مبهرة تاتعجبني وهادا عللاش فكرت نبدا بها ونتقاسها معاكم هي الاولى ههه
المقادير

غادي نحتاجو لربطة سبانخ منقية ومغسولة ثلات ريوس الثوم ملح بزار زيت العود والبانا او الكريمة (الكريمة غادي نزل ليكم طريقة صنعها في البيت غدا ان شاء الله )


الطريقة

اول شئ نوضعو الزيت فالمقلة ونقطعو الثومة او نحكوها ونخليوها تشحر شوية وعاد نزيد عليها السبانخ مقطعين والملح والبزار

نخلي كولشي يتشحر حتى ينزلو السبانخ ويطلقو الما ديالهم

عاد نزيد البانا

نسلق الباسطا ونصفيها ونضيفها على المقلة ديالنا ونخلط كولشي مزيان


نقدمها سخوووونة بالصحة والراحة


 
رد: مسابقة احسن طبق باسطا (اطباق الاسبوع الثاني: الباسطا بالكريمة واطباق غير مصنفة )

رد: مسابقة احسن طبق باسطا (اطباق الاسبوع الثاني: الباسطا بالكريمة واطباق غير مصنفة )

السلام عليكم و رحمة الله
وصفتي اليوم بنينة هههه شكون يشكر العروسة هههه نتمنا تعجبكم
نيوكي بالقشدة و البيسطو
المقادير
نيوكي سبق لي حطيت وصفتها فالصفحة الخاصة بالصلصة
قشدة طرية
البيسطو
ضامة البصلة
الطريقة
كنوضعو المقادير كاملة و نخليو الصلصة تندمج و نزيدو النيوكي ملي نصلقوهم نحركوهم بالمهل و نقدمهم بالفرماج محكوك و بالصحة و الراحة
 
رد: مسابقة احسن طبق باسطا (اطباق الاسبوع الثاني: الباسطا بالكريمة واطباق غير مصنفة )

رد: مسابقة احسن طبق باسطا (اطباق الاسبوع الثاني: الباسطا بالكريمة واطباق غير مصنفة )

السلام عليكم ورحمة الله تعالى
انقدم ليكم وصفة بنينة و كتعجب عائلتي نتمنا تعجبكم حتا نتوما
نيوكي بالسبانخ وقشدة بنكهة السلمون المدخن
المقادير
نيوكي بالسبانخ سبق لي قدمت مقاديرهم فصفحة الصلصة
قشدة طرية بنكهة السلمون المدخن او العادية
ضامة البصلة او طرف صغير بصلة مشلظة
القليل من الزيون الاخضر
البيسطو
الطريقة
كنوجدو الصلصة نوضعو جميع المقادير و نخليه تغلي شي 2 دقايق و نطفي عليها و نزيد نيوكي و نخلط بالمهل و نقدمها مع الفرماج محكوك
 
رد: مسابقة احسن طبق باسطا (اطباق الاسبوع الثاني: الباسطا بالكريمة واطباق غير مصنفة )

رد: مسابقة احسن طبق باسطا (اطباق الاسبوع الثاني: الباسطا بالكريمة واطباق غير مصنفة )

السلام عليكم و رحمة الله
وصفتي هي
باسطا بالطون و القشدة
المقادير
باسطا اي نوع
طون بالزيت
القشدة الطرية
ضامة البصل و يمكن تعويضها بطرف مشلظ
اعشاب منسمة انا دايرة ازير و التومة و الزعتر فالزيت البلدية و كنظيفهم فاطباقي
البيسطو
الطريقة
كندير الباسطا ديالي تسلق فالملح
كندير فمقلة ضامة البنة الى استعملتي البصلة خليها تشحر فزيت الطون و نضيف كل المقادير و نخليهوم يغليو و نضيف عليهم الباسطا و نقدمهم مع الفرماج محكوك و شوية الزعتر محكوك وبالصحة
 

نسمة عرائشية

عضوة جديدة
رد: مسابقة احسن طبق باسطا (اطباق الاسبوع الاول: الباسطا بصلصة الطماطم )

رد: مسابقة احسن طبق باسطا (اطباق الاسبوع الاول: الباسطا بصلصة الطماطم )

باسطة بصدر الدجاج وصوص بايضة

0065.gif



مشاركتي بصوص بايضة

طريقة السلق معروفة
نحك البصلة فلحكاكة لغليضة وفوق النار نضع الزبدة البصل ابزار ملح شكين جبير وملعقة صغيرة مطارد صدر الدجاج نفلحوه ونضيفوه مع التحريك
وملي يطيب نخليواه يبرد شوي ونفرتوه
بالنسبة لاصوص على نار متوسطة ندوب الزبدة نزيد القشدة ملح ابزار ابيض فروماج كيري مفعوس بفرشيطة مع قليل من الحليب ودانون مسوس
ملي يغلى مع التحريك نهز منو والباقي نضيف علية شوية مايزينة مطلوقة فماء السلق ونضيف الباسطا مع التحريك ونرفعها من النار ونضيف الجبن المبشور


















0003.gif
 
التعديل الأخير بواسطة المشرف:

خادمة الفرقان

مشرفة منتدى الاسرة والطفل والمنتدى الايطالي ,
رد: مسابقة احسن طبق باسطا (اطباق الاسبوع الثاني: الباسطا بالكريمة واطباق غير مصنفة )

رد: مسابقة احسن طبق باسطا (اطباق الاسبوع الثاني: الباسطا بالكريمة واطباق غير مصنفة )

145746819880762.gif



طريقة صنع الكريمة الخاصة بالطبخ في البيت
السلام عليكم اخواتي سمحولي تعطلت عليكم هادي هي طريقتي في صنع الكريمة ،ساهلة ومضمونة وماتبقايش تكلفي راسك تشريها من سوبر مارشي نبداو على بركة الله مع المقادير
المقادير
المقادير جد بسيطة جوج مكونات فقط متوفرة فكل بيت الزيت والحليب

غادي يخصك جوج عبارات الزيت مع عبار واحد ديال الحليب ونتي تحكمي فالكية لي بغيتي انا درت هاد
الكويسات صغار

نطحن كولشي فالخلاط

وهاي الكريمة ديالي وجدات بالصحة والراحة تقدري تستاعمليها فاي وصفة كطلب الكريمة
 

فيروز فلسطين

عضوة جديدة
رد: مسابقة احسن طبق باسطا (اطباق الاسبوع الثاني: الباسطا بالكريمة واطباق غير مصنفة )

رد: مسابقة احسن طبق باسطا (اطباق الاسبوع الثاني: الباسطا بالكريمة واطباق غير مصنفة )

طبقي الثاني

المقارونية فيس بلاداند ولاكريم فريش

المقادير

المقارونية نسلقوها في الماء والملح وشوية الزيت وورقة سيدنا موسى ونصفوها.
الملحة - الابزار - البورو- ورقة سيدنا موسى - ضرس الثومة - لاكريم فريش - شوية زيت بلدية.












الطريقة

نديروا الزيت في كاسرونة نزيدوا الثومة مقسومة على 2 ونخلوها تطلق شوية
نزيدوا لاداند مقطعة قطع صغيرة ونزيدوا البورو مقطع رقيق -
نزيدوا ورقة سيدنا موسى نشحروا الكل مزيان وحيدوا الثومة و الوراق سيدنا موسى










نخلطوا الخليط مع المقارونية



ونردوا لاكريم فريش على النار ونخلطوها حتى تعقاد انا زدت فيها
شوية ديال المايزينا باش عقدات مزيان
ونخلطوها مع المقارونية





ونحطوها في طبق التقديم ونزينوها بشوية المودزاريلا محكوكة
او اي فروماج عندك





وبالصحة والراحة




 
التعديل الأخير بواسطة المشرف:
رد: مسابقة احسن طبق باسطا (اطباق الاسبوع الثاني: الباسطا بالكريمة واطباق غير مصنفة )

رد: مسابقة احسن طبق باسطا (اطباق الاسبوع الثاني: الباسطا بالكريمة واطباق غير مصنفة )

السلام عليكم و رحمة الله تعالى و بركاته
وصفتي اليوم خفيفة ضريفة و الاهم بنييييينة نتمنا تعجبكم
باسطا بالبيسطو و قشدة السلمون و الريحان
المقادير
الباسطا اي نوع
البيسطو
الريحان
الفرماج محكوك
قشدة السلمون المدخن
الطريقة
كنسلقو الباسطا
كنوجدو لاصوص كنوضعو البيسطو و القشدة و الريحان غير شوية و نخليهم يغليو 2د و نزيد الباسطا و نخلهم مزيان و نقدمهم مع الفرماج محكوك و وريقات الريحان و بالصحة و الراحة
 

خادمة الفرقان

مشرفة منتدى الاسرة والطفل والمنتدى الايطالي ,
رد: مسابقة احسن طبق باسطا (اطباق الاسبوع الثاني: الباسطا بالكريمة واطباق غير مصنفة )

رد: مسابقة احسن طبق باسطا (اطباق الاسبوع الثاني: الباسطا بالكريمة واطباق غير مصنفة )

145746819880762.gif


الباسطا بالكروفيت والكرعة والكريمة
السلام عليكم البنات كيفكم لاباس عليكم ، هاد الاسبوع تاع الكريمة ماعطيناهش حقو مسكين واخة كاينين بزااااااف ديال الوصفات فيه ههههه، المهم هاد الوصفة تاع الباسا بالكريمة والكؤوفيت والكرعة تاتي زوييينة وبنينة غير جربوها ان شاء الله
المقاير

غادي نحتاجو لاي نوع من الباسطا متوفرة فالدار نسلقوها ونصفيوها ، جوج كرعات بصلة مشلضة كمية من الكروفيت ملح بزار وشوية البانا باش نخلط
الطريقة

ناخد مقلة نشحر فيها البصلة فشوية زيت العود

نكرض الكرعة وحدة دوائر واخرى على شكل مربعات صغيرة ونزيدها على البصلة تشحر مزيان وعاد نزيد الكروفيت ونخليه حتى هو يتشحر


من بعد نزيد بانا ونخلط

عاد نضيف الباسطا لي سبق لي سلقت ونخلط كولشي مزيان

ونقدمها بالصحة والراحة سخونة ممكن ترشي شوية الفرماج محكوك
 
رد: مسابقة احسن طبق باسطا (اطباق الاسبوع الثاني: الباسطا بالكريمة واطباق غير مصنفة )

رد: مسابقة احسن طبق باسطا (اطباق الاسبوع الثاني: الباسطا بالكريمة واطباق غير مصنفة )

السلام عليكم ورحمة الله تعالى و بركاته
نقدم ليكم وصفتي اليوم ونتمنا من الله تعجبكم
باسطا بالكفتة و القشدة و البيسطو
المقادير
الباسطا اي نوع متوفر
البيسطو
الكفتة غنمي او بكري
اوراق الريحان خضر
زيت بلدية
ضامة البصلة او ربع بصلة مشلظة
تومة غبرة او محكوكة
فرماج محكوك اختياري
الطريقة
كنسلقو لباط ديالنا
كنشحرو الكفتة مع الملحة و الزيت البلديا حتا تحمر وعاد نزيد ضامة البنة والقشدة والتومة و الريحان مقطع و البيسطو و نخليهم يتشحرو ونزيد الباط و نخلط و نقدمو مع الفرماج محكوك و بالف صحة و عافية
 

أم البنين3

مشرفة قسم الخياطة والتطريز ,
رد: مسابقة احسن طبق باسطا (اطباق الاسبوع الثاني: الباسطا بالكريمة واطباق غير مصنفة )

رد: مسابقة احسن طبق باسطا (اطباق الاسبوع الثاني: الباسطا بالكريمة واطباق غير مصنفة )

الباسطة بالكريما والكرعة والكروفيت


145746819880762.gif

تحية طيبة لكل الأنيقات
هذي مشاركتي المتواضعة لأطباق المعكرونة بالكريما نخليكم مع المقادير والطريقة قبلو علي
145746819930046.gif


الباسطة بالكريما والكرعة والكروفيت




145746819930046.gif

المقادير:4 كرعات _300غ كروفيت _ 200غ كريما _معدنوس _فص ثوم _ملح _إبزار _زيت زيتون _400غ باسطة



145746819930046.gif


الطريقة:أولا في مقلة ندير الزيت والثومة غير تتشحر شوية نزد الكروفيت منقي يتشحر شوية نزيد الكرعة والمعدنوس وملح وإبزار نخليهم يتشحرو شوية نزيد الكريمة ونخلط مزيان حتى ينسجمو في هاد الوقت غنكونو غلينا طنجرة ماء نضيف ليها رشة ملح غليظ وشوية زيت عادي والباسطة ملي طيب نخلطها مع الصلصة ونقدمها بالصحة والراحة مرشوشة بجبن كرانا
145746819930046.gif













وهاهي وجدات نقدمها بالصحة والراحة مرشوشة بجبن كرانا






في أمان الله غالياتي
 
التعديل الأخير بواسطة المشرف:

أم البنين3

مشرفة قسم الخياطة والتطريز ,
رد: مسابقة احسن طبق باسطا (اطباق الاسبوع الثاني: الباسطا بالكريمة واطباق غير مصنفة )

رد: مسابقة احسن طبق باسطا (اطباق الاسبوع الثاني: الباسطا بالكريمة واطباق غير مصنفة )

الباسطة بكريما غنية بالمكونات


145746819880762.gif


تحية طيبة لكل الأنيقات
هذي مشاركتي الثانية لأطباق المعكرونة بالكريما نخليكم مع المقادير والطريقة قبلو علي

145746819930046.gif

الباسطة بكريما غنية بالمكونات


145746819930046.gif

المقادير:زلافة صغيرة كرعة محكوكة غليظة _زلافة صغيرة جلبانة _علبة طون _فص ثوم _ كاس صغير زيت زيتون _ 5رقائق جبن _ علبة كريما



145746819930046.gif

الطريقة:أولا في مقلة ندير الزيت والثومة غير تتشحر شوية نزيد جلبانة والكرعة والملح والابزار
ونخليها حتى تهبط وتطيب نزيد الكريما والطون ورقائق الجبن نخلط الكل ونخليهم على النار حتى ينسجمو مع بعض في هاد الوقت غنكونو غلينا طنجرة ماء نضيف ليها رشة ملح غليظ وشوية زيت عادي والباسطة ملي طيب نخلطها مع الصلصة ونقدمها بالصحة والراحة مرشوشة بجبن كرانا
145746819930046.gif






وهاهي وجدات نقدمها بالصحة والراحة مرشوشة بجبن كرانا







في أمان الله غالياتي
 
التعديل الأخير بواسطة المشرف:

ziout

مساعدة مشرفة منتدى اللغات الاحنبية ,
رد: التصويت على أحسن طبق باسطا بالكريمة واطباق غير مصنفة

تم التصويت, وخا التصويت مادايزش خاصنا اختبار التذوق ههه
شهيتوني حرام عليكم ههه باينة الأطباق من مكوناتها بالصحة و تبارك الله عليكم أخواتي
 

قمر الليل2

عضوة جديدة
رد: التصويت على أحسن طبق باسطا بالكريمة واطباق غير مصنفة

تبارك الله كاع الاطباق بنينة يم يم ونا من عشاق الباسطا بالكريما.
تم التصويت
 
الحالة
مغلق و غير مفتوح للمزيد من الردود.
أعلى