• مرحبا بكن في اناقة مغربية في حلة جديدة وطاقم جديد . ومرحبا بنا عند اهل المغرب الكرام اهل الكرم والجود. يمكن للعضوات القديمات الدخول والمشاركة باسماءهن القديمة فقط يتوجب عليهن طلب كلمة مرور جديدة عبر خاصية استعادة كلمة المرور

أنيقات الشمااال مساعده الله يخليكم !

Miss Oujdia

بنت أناقة مغربية ,
السلااام عليكم انيقات كنتمنى تكونو بخيير و على خير

محتاجه مساعده من بنات الشمال بخصوص وسائل النقل

انا غادي نزل فطنجه و بغيت نعرف واش كاين شي وسيلة نقل من طنجه لأصيله و أصيله شفشاون و شنو وسائل النقل المتوفره فهاد الجهه و فكره على الاثمنه الا ممكن

كنستنى شي مساعده
شكراااااا مسبقااا ????????????
 

♡ ايمي ♡

مشرفة منتدى اللغة العربية ادب و شعر,
مرحبا عزيزتي..

انا ماشي بنت الشمال و لكن غنعطيك المعلومات لي عارفة.

من طنجة لأصيلة كاين القطار.. أصلا كدوزي على اصيلة أولا عاد كتوصلي لمحطة طنجة..

ثمن التذكرة بين 16 درهم و 27 درهم حسب واش غتسافري فالدرجة الثانية أو الأولى.

أكيد كاينين طاكسيات و لكن ماعارفاش الثمن.. لي عارفة انهم كيبقاو خدامين حتى لوقت جد متأخر من الليل.

اما الربط بين شفشاون و اصيلة كاين الحافلات.. و كاينة الحافلة ديال supratours لي تابعة لمكتب السكك الحديدية.. يمكن ب 20 درهم اذا مازال عاقلة.. لكن صعيب بزاف تلقاي شي بلاصة فيها لأن الناس كيحجزو على مدة بعيييييدة جدا.

حنا كنا نزلنا فطنجة.. و ما جلسناش فيها فضلنا تطوان و نواحيها.

بين طنجة و تطوان ممكن تاخدي طاكسي كبير ب 30 درهم.. ثم من تطوان ل مارتيل أو المضيق تقدري تاخدي طاكسي كبير ب 5 دراهم.

من تطوان لشفشاون كاين طاكسي كبير ب 35 درهم.

الكراء موجوووووود.. ابتداء من 150 او 200 درهم.. قلبي فavito و سجلي أرقام اصحاب الشقق و ملي توصلي للوجهة ديالك اتصلي بيهم باش تشوفي واش الشقق متوفرة و فين كاينة واش قريبة من وسط المدينة او البحر ...

شخصيا.. عجباتني شفشاون اكثر.. لكن اذا كنت من هواة البحر ممكن تكري فمارتيل او المضيق.. او تطوان و تتنقلي يوميا للبحر راه الطاكسيات ما كيوقفوش نهائيا.

أما اذا بغيتي الشوبينغ فعليك بالفنيدق.. و لكن بما أنني لا أحبذ فكرة الشوبينغ خلال رحلات الاستجمام فما مشيتش تما و ما عنديش فكرة.. و اصلا بما أنني من وجدة فكاع داكشي لي ممكن يتشرى من تما داخل عن طريق سبتة غنلقاه فمدينتي داخل عن طريق مليلية :)

نتمنى نكون افدتك واحد الشويش في انتظار يدخلو بنات الشمال و يعطيوك معلومات أوفر.

عطلة سعيدة عزيزتي ♡


زهرة الكاردينيا
 

Miss Oujdia

بنت أناقة مغربية ,
ايمي


شكراااا جزيييلا على الوقت اللي عطيتيني باش تكتبيلي هاد المعلومات كلها .. فدتيني وبزااااااف

لهلاااا يخطييك اختي و يجازيك بالخيير ♡♡♡
 
أعلى